“Mawoni ma Kũnengane Makaseti Mweinĩ wa . . .”

Kĩla mwei twĩthĩawa na kĩlungu ĩũlũ wa ũndũ tũtonya kũnengane makaseti nthĩnĩ wa Ũmbano wa Ũthũkũmi. Kĩeleelo kya kĩlungu kĩĩ ti kũsisya maũndũ ala me makasetinĩ. Ĩndĩ nĩ kũneenea mawoni ma kũnengane makaseti. Kwoou, kwosana na ũndũ kĩlungu kĩĩ kyaĩle kwĩkwa, mwana-a-asa ũla ũaĩwe ambĩĩaa na maelesyo makuvĩ vyũ ma kũthangaasya ethukĩĩsya mende kũtũmĩa makaseti. Na ĩndĩ, aithokya ethukĩĩsya mambe kumya mawoni ĩũlũ wa kĩlungu kĩmwe (kana ilungu iatĩanĩe), nĩ kana aangĩ methukĩĩsye mawoni ala mekwenda kũtũmĩa. Vandũ va kũthokya ethukĩĩsya maelesye kĩla kĩndũ matonya kwasya mathi ũtavanyʼa, amathokasya maumye maelesyo ĩũlũ wa ĩkũlyo yĩtuma mũndũ endeewʼa yĩla matonya kũkũlya, na maielesya ĩandĩko yĩla matonya kũsoma. Aminĩĩaa na mawonanyʼo ma ũndũ kĩla ĩkaseti yĩtonya kũnenganwe. Twĩĩkĩwa vinya tũsomae tene makaseti ala meũneenewa ũmbanonĩ nĩ kana twĩthĩwe na mawoni tũtonya kumya. Ithyonthe tweeyũmbanĩsya kĩlungu kĩĩ nesa, kĩkatũtetheesya kũnoa ũthyũ wa kĩla ũmwe.​—Nth. 27:17.