Nũsiasya Ũvwaũ wa Imanyĩthya Kĩla Ĩvinda?

Atumĩa ma kĩkundi, atetheesya ma kĩkundi, na angĩ ala me na ianda kĩkundinĩ nĩmasiasya ũvwaũ wa imanyĩthya kĩla ĩvinda mamanye kana me na maũndũ makwatĩĩe kĩkundinĩ. Ũvwaũ wa imanyĩthya wĩthĩawa na maũndũ ma vata kwa kĩla mũndũ. Nĩwĩsĩ ũnengetwe wĩa wa kũthambya Nyũmba ya Ũsumbĩ ĩndĩĩ? No vethĩwe ve valũa kuma kwa mũsyaĩĩsya wa mũthyũlũlũko kana kuma ovisinĩ wa ũvonge? Nĩwĩsĩ kyongo kya ũvoo wa andũ onthe wa kyumwa kĩla kyũkĩte nĩ kana ũthokye mũmanyĩwʼa waku wa Mbivilia? No vethĩwe ve moalyũku mĩvangonĩ ya maũmbano kana ya ikundi sya ũtavanyʼa? Nũndũ imanyĩthya mbingĩ yu iitangaasawa, na ti laisi atumĩa kũtavya kĩla mũtavanyʼa, ve vata wa kũsisya ũvwaũ wa imanyĩthya kĩla ĩvinda. Kwĩka ũu kũkatuma maũndũ onthe mekĩka “ũndũ kwaĩle, maatĩanĩe.”—1 Ako. 14:40.