Imanyĩthya sya Ũthũkũmi

South Sudan: Livoti ya mwaka wa 2012 yĩonanyʼa ũtalo wa atavanyʼa ũnaĩ 1,174, na andũ 4,678 nĩmo moombanie malilikane kĩkwʼũ kya Yesũ mwakanĩ ũsu, na andũ 66 nĩmo mavatisiwe. Ĩsu nĩ livoti nzeo mũno kuma nthĩ ya South Sudan.

Sudan: Livoti ya mwaka wa 2012 yĩonanyʼa ũtalo wa atavanyʼa ũnaĩ 511, na andũ 1,569 nĩmo moombanie malilikane kĩkwʼũ kya Yesũ mwakanĩ ũsu, na andũ 19 nĩmo mavatisiwe.

Uganda: Atavanyʼa 5,606 manaĩ na amanyĩwʼa ma Mbivilia 15,144 Mweinĩ wa 11. Ũũ nĩ wongeleku wa atavanyʼa 8 kwa kĩla atavanyʼa 100, na wongeleku wa amanyĩwʼa ma Mbivilia 10 kwa kĩla amanyĩwʼa 100 wasianĩsya na Mwei wa 11 mwaka wa 2011. Kwa wʼo, andũ ma Yeova me na kĩthito wĩanĩ ũũ wa kũtangĩĩa mathayũ!—1 Tim. 4:16.