Ũndũ Ũtonya Kwasya

Kũmantha Andũ ma Kũmanyĩwʼa Mbivilia Wathanthatũ wa Mbee wa Mwei wa 9

“Ũvoo. Twamũthokea o vanini tũmwonyʼe kĩndũ kĩtonya kũtetheesya ala matwaanĩte methĩwe na ũtanu. Kwa woni waku, ũtonya kwasya nĩ ũndũ mwaũ mũnene ũtumaa mĩtwaano yĩthĩwa ĩte na ũtanu?” [Eteela asũngĩe.] Mwonyʼe ĩthangũ ya ĩtina ya ĩkaseti ya Mũsyaĩĩsya ya 01/09/2013, na mũineenea ũvoo ũla wĩ uungu wa ĩkũlyo ya mbee na mũisoma ĩandĩko o na ethĩwa no yĩmwe. Mũtiĩe makaseti na mũivanga ũsyoke mũke kũneenea ĩkũlyo yĩla yĩatĩĩe.

MŨSYAĨĨSYA 01/09/2013

“Ũmũnthĩ twĩĩ kĩsionĩ kĩĩ kyenyu tũineenea kĩtumi kya Ngai kũeka mathĩna maendee. We waaĩkũlya nĩkĩ? [Eteela asũngĩe.] Mbivilia nĩtwathĩte ĩvinda ĩseo yũkĩte ĩla kũtakethĩwa kũmeta kana woo. [Soma Ũvuanʼyo 21:4.] Ĩkaseti yĩĩ yonanĩtye itumi itano nene ila itumĩte kwĩthĩwa na mathĩna maingĩ. Ĩngĩ, nĩyonanĩtye kĩla Mbivilia yaĩtye ĩũlũ wa ũndũ Ngai ũkamina mathĩna.”

Awake! Mwei wa 9

“Twamũthokea tũmwonyʼe ũvoo mũna ĩũlũ wa sikũkũ ya Mũthenya wa Atheu Onthe (Halloween). Amwe maitanĩaa sikũkũ ĩno nũndũ wa itumi syĩ Mbivilianĩ, ta kĩĩ kĩ ĩandĩkonĩ yĩĩ. [Soma Alivai 19:31.] Angĩ mayonaa ũthũku wa sikũkũ ĩno nũndũ mayĩĩkĩĩaa kana kwĩ maveva ma akwʼũ. We wonaa ata sikũkũ ĩno? [Eteela asũngĩe.] Ĩkaseti yĩĩ nĩyonanĩtye ũndũ sikũkũ ya Mũthenya wa Atheu Onthe yambĩĩie.”