Ũkeekaa Ata Mĩthenya ya Sikũkũ?

Ĩla kwĩ sikũkũ sya silikalĩ kana sya ndĩni, nĩ ũseo kũvanga kũtavanyʼa mĩthenya ĩsu nũndũ andũ aingĩ methĩawa mĩsyĩ. Ikundi syaĩle kwĩka mĩvango nĩ kana itavanyʼe mĩthenya ya sikũkũ. Ethĩwa andũ aingĩ mayĩamũkaa tene mĩthenyanĩ ĩsu, nĩ ũseo mũkavĩndũa saa ila mwĩkaa ũmbano wa kũthi kũtavanyʼa. Nthĩnĩ wa Ũmbano wa Ũthũkũmi, kĩkundi no kĩmanyĩthwʼe mĩvango ĩla yĩkĩtwe ya kũtavanyʼa mũthenya wa sikũkũ, na atavanyʼa mayĩkĩwa vinya moke kũtavanyʼa mũthenya ũsu. Ĩngĩ, nĩtũkwataa mwanya wa kũthũmũa kana kwĩka maũndũ maitũ mĩthenya ya sikũkũ. O na ũu wĩ o vo, wĩthĩwa ne ũseo kũtũmĩa ĩvinda kũtavanyʼa. Weeka ũu, ũkeethĩwa na ũtanu ũla ũetawe nĩ kũmũthũkũma Yeova.—Mt. 11:29, 30.