Vitio Nzaũ ya Kũtũtetheesya Kwambĩĩa Kwĩmanyĩsya Mbivilia na Andũ

Vitio nguvĩ yĩ na kyongo “Nĩkĩ Waĩle Kwĩmanyĩsya Mbivilia?” nĩtonya kũkwatĩkana nĩ andũ aingĩ Kĩsesenĩ kya jw.org/kam. Vitio ĩno ĩseũvĩtwʼe kwa nzĩa ĩtonya kũtuma andũ metĩkĩla kwĩmanyĩsya Mbivilia naitũ vate ndĩvi. Wavingũa Kĩsese kitũ, theea ũvinyĩĩe vala vaandĩkĩtwe “Kũlya Ũmanyĩwʼe Mbivilia” kana ũtũmĩe ũvano wa QR (quick response) ũla wĩ ĩtina wa tulakiti sitũ nzaũ. Vaa ĩtheo nĩvonanĩtwʼe ũndũ tũtonya kũtũmĩa vitio ĩsu nesa.

• Ĩla wasyokea mũndũ, mwĩe atĩĩ: “No ngwonyʼe vitio nguvĩ yĩeleetye ũndũ ũtonya kũsũngĩwa makũlyo maku ma Mbivilia?” Eetĩkĩla, mwonyʼe vitio ĩsu simũnĩ yaku kana kombiũtanĩ yake.

• Ĩla wanenga mũndũ tulakiti ila nzaũ wĩ ũtavanyʼanĩ ũte wa nyũmba na nyũmba, mwonyʼe ũvano wa QR na ũimũkũlya atũmĩe simũ yake kũsoma ũvano ũsu. Nĩkwĩthĩwa nthĩnĩ wa ithyomo mbingĩ ũvano ũsu wa QR ũũtwaa vala ve vitio ĩsu Kĩsesenĩ kitũ, nĩvatonyeka ũkamwonyʼa mwene nyũmba vitio ĩsu vau kwa vau ũitũmĩa simũ yaku.

• Tavya andũ ala mũthũkũmaa ĩmwe, ala mũsomaa ĩmwe, andũ ma mũsyĩ, na andũ angĩ ũmesĩ ĩũlũ wa vitio ĩsu, na ũimakũlya kana no ũmonyʼe. Kana no ũmatũmĩe ũtũmane indanetinĩ ũla maũvinyĩĩa ũũmatwaa vitionĩ ĩsu, na ũimakũlya mamĩsisye.

Twatũmĩa vitio ĩno nesa, nĩvatonyeka tũkakwata amanyĩwʼa aingĩ ma Mbivilia na tũitetheesya ala mekwendeewʼa.