Ũndũ Tũtonya Kwĩthĩwa Atavanyʼa Aseo—Kũneena na Ũkũmbaũ Ĩũlũ wa Ũsumbĩ wa Ngai

Nĩkĩ Nĩ Ũndũ wa Vata?: Ethĩwa nĩtũkwenda kwĩanĩsya kĩla kĩ ĩandĩkonĩ ya 2 Timotheo 1:7, 8, twaĩle kũneena na ũlũmu ĩũlũ wa Ũsumbĩ wa Ngai. Nĩ kyaũ kĩtonya kũtũtetheesya twĩthĩwe na ũkũmbaũ wa kũneena ĩũlũ wa Ũsumbĩ?

Ũtonya Kwĩka Ũu Ata?:

• Ĩwʼĩa andũ tei. (Avi. 2:4) Andũ aingĩ nĩmakwʼĩte ngoo nũndũ wa maũndũ mathũku ala maendeee ĩũlũ wa nthĩ kana nũndũ wa mathĩna moo ene. Kũmewʼĩa andũ ta asu tei nĩkũtonya kũtuma tũneena namo ĩũlũ wa Ũsumbĩ.

• Kua tulakiti kauta ĩla umaalĩte ũendete maũndũnĩ maku.

Tata Kwĩka Ũndũ Ũũ Mweinĩ Ũũ:

• Sũanĩa mũndũ ũmwe ũla ũkwenda kũmũtavya ĩũlũ wa Ũsumbĩ. Mũvoye Yeova aũnenge ũkũmbaũ na ũkwate mwanya wa kũneena na mũndũ ũsu.