Kũelesya Mũĩkĩĩo Witũ Ĩũlũ wa Mwaka wa 1914

Maandĩko nĩmatũthuthĩtye twĩthĩwe ‘twĩyũmbanĩtye mavinda onthe kũsũngĩa’ ĩũlũ wa mũĩkĩĩo witũ, na ‘ũu ũyĩkwa na ũuu na wʼĩa.’ (1 Vet. 3:15) Nũtonya kwĩthĩwa wĩ ũndũ wĩ vinya kũelesya momanyĩsyo maito ma Mbivilia, ta nĩkĩ tũĩkĩĩaa kana Ũsumbĩ wa Ngai wambĩĩie kũsumbĩka mwaka wa 1914. Nĩ kana twĩthĩwe tũtonya kwĩka ũu, ve ilungu ilĩ syĩ na kyongo “Mazungumzo Pamoja na Jirani—Ufalme wa Mungu Ulianza Kutawala Lini?” ila iseũvĩtwʼe nĩ kana itũtetheesye. Ilungu isu syĩ makasetinĩ ma Mũsyaĩĩsya ala tũkethĩwa tũinengane ũtavanyʼanĩ Mweinĩ wa 10, na wa 11. O ũendeee kũsoma ilungu ii, sũanĩa makũlyo aa maatĩĩe wone ũndũ mũtavanyʼa wĩtĩtwe Cameron ũkũneenaa na mwene nyũmba.

Mwana-a-asa Cameron . . .

• amũkatha ata mwene nyũmba nĩ kana metĩkĩlane?—Meko 17:22.

• oonanyʼa wĩnyivyo ata aielesya maũndũ ala ũĩkĩĩte?—Meko 14:15.

Nĩkĩ weeka nesa . . .

• kũtũngĩlĩĩla maũndũ ala meemanyĩsya atanamba kũneenea ũndũ ũngĩ?

• kũvindya ĩvinda kwa ĩvinda na kũmũkũlya mwene nyũmba ethĩwa nĩwaelewa nĩ kĩla wamũelesya?

• kũema kũneenea maũndũ maingĩ ĩvinda yĩmwe? —Yoa. 16:12.

Nĩtwaĩle kũmũtũngĩa mũvea mũno Yeova, “Mũmanyĩsya” witũ, nũndũ wa kũtũmanyĩsya ũndũ tũtonya kũelesya ala me na nzaa ya kĩ-veva momanyĩsyo maito ma Mbivilia.—Ĩsa. 30:20, The Holy Bible in Current Kikamba Language.