Imanyĩthya
◼ Mavuku ala twĩnengane Mwei wa 3 na wa 4: Ĩkaseti ya Mũsyaĩĩsya na ya Amkeni! Mwei wa 5 na wa 6: Ĩvuku Mbivilia Yo Ĩmanyĩasya Ata? kana tulakiti ĩmwe katĩ wa ii: Mo Andũ Ala Makwie Nĩmatonya Kwĩthĩwa Thayũ Ĩngĩ?, Mo Mathĩna Makathela?, Nĩ Kyaũ Kĩtonya Kũtuma Mũsyĩ Wĩthĩwa na Ũtanu?, na Nũũ Ũla Ũsumbĩkĩte Nthĩ?
◼ Kũlilikana kĩkwʼũ kya Yesũ kũkeethĩwa Wakatano, Matukũ 3, Mwei wa 4, 2015. Ethĩwa kĩkundi kyenyu nĩkĩthĩawa na ũmbano Wakatano, mwaĩle kũũthamĩĩsya mũthenya ũngĩ ũla Nyũmba ya Ũsumbĩ ĩtakethĩwa ĩitũmĩwa. Ethĩwa vaitonyeka Ũmbano wa Ũthũkũmi wĩkwe kyumwa kĩu, mũvangĩthya wa nzama ya atumĩa no eke moalyũku nĩ kana ilungu ila ikonetye kĩkundi kyenyu syĩneenewa ĩvinda yĩngĩ mweinĩ ũsu.