Tũmĩa Thayũ Waku Kũmũtaĩa Yeova!

Thayũ nĩ mũthĩnzĩo wa mwanya. Twonanasya kana nĩtwonaa thayũ wĩ wa vata kwĩanana na ũndũ tũkũũtũmĩa. Twĩ Ngũsĩ sya Yeova, nĩtũtataa ũndũ tũtonya tũtũmĩe inengo sitũ na ũtonyi witũ kũmũtaĩa Yeova, Mũnengani wa thayũ. (Sav 36:9; Ũvu 4:11) Ĩndĩ mawĩmakĩo ma kĩla mũthenya no matume tũtavĩtya maũndũ ma kĩ-veva mbee. (Mk 4:18, 19) Kĩla ũmwe waitũ no ekũlye-ĩ: ‘Nyie nĩnĩmũnengae Yeova kĩla kĩseo vyũ? (Osea 14:2) Wĩa ũla nĩthũkũmaa nũnziĩĩaa kũmũthũkũma Yeova ũndũ vaĩle? Nĩ na mĩvango yĩva ya kĩ-veva? Ndonya kwongeleela ũthũkũmi wakwa ata?’ Ethĩwa nũkwona ve vandũ ũtonya kwĩka maendeeo, mũvoye Yeova aũtetheesye na ĩndĩ ũyĩka moalyũku ala maĩle. Vate nzika, kũmũtaĩa Yeova kĩla mũthenya nĩ ũndũ ũtonya kũtuma wĩkala wĩ mwĩanĩe na wĩ mũtanu!—Sav 61:8.

ĨLOELEI VITIO YĨ NA KYONGO, TŨMĨA KĨNENGO KYAKU KŨMŨTHŨKŨMA YEOVA, NA ĨNDĨ MŨISŨNGĨA MAKŨLYO AA:

• Nĩkĩ nĩ ũndũ ũte wa ũĩ kũtũmĩa inengo syaku nthĩnĩ wa nthĩ ĩno ya Satani? (1Yoa 2:17)

• Nĩ moathimo meva andũ ala manengae Yeova kĩla kĩseo vyũ makwataa?

• Ũtonya kũtũmĩa inengo na ũmanyi waku maũndũnĩ ta meva ma ũthũkũmi mũtheu?