MWĨKALĨLE WA AKLĨSTO

Tũmĩa Nesa Syĩndũ Ila Tũtũmĩaa Kũmanyĩsya Andũ Mbivilia

Kũtũmĩa Mbivilia na mbulosua kũtavya mũndũ ũvoo mũseo

Kũtwʼĩkĩthya andũ amanyĩwʼa no ũndũ ũmwe na kwaka nyũmba. Nĩ kana twake nesa, no nginya twĩmanyĩsye kũtũmĩa mĩio ya kwaka nesa. O ta ũu, nĩtwaĩle kwĩmanyĩsya kũtũmĩa nesa Ndeto ya Ngai, ĩla nĩyo mũio ũla mũnene tũtũmĩaa kũmanyĩsya andũ. (2Tim 2:15) O na ĩngĩ, nĩtwaĩle kwĩmanyĩsya kũtũmĩa nesa mavuku ala angĩ na vitio ila tũtũmĩaa kũmanyĩsya andũ. Tũyĩka ũu, kĩeleelo kitũ kyaĩle kwĩthĩwa ne kũtwʼĩkĩthya andũ amanyĩwʼa.a

Ũtonya ata kũtũmĩaa nesanga syĩndũ kana mĩio ĩla tũtũmĩaa kũmanyĩsya andũ Mbivilia? (1) Kũlya mũsyaĩĩsya wa kĩkundi kyenyu kya ũtavanyʼa aũtetheesye, (2) tavanyʼa na mũtavanyʼa wĩ na ũmanyi mwingĩ kana vainia, na (3) ĩthĩwa na kĩmanyĩo kya kũtũmĩa mavuku na vitio ila tũtũmĩaa kũmanyĩsya andũ. Weethĩwa na ũtũĩka wa kũtũmĩa mavuku asu na vitio isu, ũkeethĩwa ũtonya kũtanĩa wĩa wa kũtavanyʼa na kũmanyĩsya andũ Mbivilia ũla ũendeee.

MAKASETI

MBULOSUA

MAVUKU

TULAKITI

Wĩ na woni mwaũ ĩũlũ wa ĩvinda yĩla yũkĩte?

Nĩ kyaũ kĩtonya kũtuma mũsyĩ wĩthĩwa na ũtanu?

Mo andũ ala makwie nĩmatonya kwĩthĩwa thayũ ĩngĩ?

Nĩ va tũtonya kũkwata mosũngĩo ma makũlyo ala ma vata thayũnĩ?

VITIO

Twĩkaa Ata Ĩla Tũũmanyĩsya Mũndũ Mbivilia?

KATHANGŨ KA KŨTHOKANYʼA ŨMBANONĨ

KAATI SYA KWELEKELYA ANDŨ KĨSESENĨ

a Ve mavuku amwe maandĩkĩtwe kwondũ wa kĩkundi kĩna kya andũ, na kwoou maitalawa ta amwe ma syĩndũ ila tũtũmĩaa kũmanyĩsya andũ Mbivilia. Ĩndĩ mavuku asu no matũmĩwe yĩla ve vata.