Woni wa Kũlũlũmĩĩlya Mũĩkĩĩo Witũ

9:1-7

Kwasũanĩa ũndũ Yesũ weewie ĩvindanĩ ya woni wa kũalyũka kwake, ĩla Ĩthe wake wa ĩtunĩ watangaasie kana nũmwĩtĩkĩlĩte. Vate nzika, ũndũ ũsu nĩwamwĩkĩie Yesũ vinya kwondũ wa mathĩna ala maĩ vakuvĩ kũmũkwata. O na ĩngĩ, woni ũsu nĩwamekĩie vinya mũno Vetelo, Yakovo, na Yoana. Woni ũsu nĩwamaĩkĩĩthisye kana Yesũ nĩwe Masia, na nĩmaaĩlĩte kũmwĩthukĩĩsya. Ĩtina wa myaka 32, Vetelo no walilikene woni ũsu na ũndũ walũlũmĩĩlye mũĩkĩĩo wake nthĩnĩ wa “ndeto ya wathani.”—2Vet 1:16-19.

O na kau ithyĩ tũyaaona woni ũsu, nĩtwonaa ũyĩanĩa. Ũmũnthĩ Yesũ nũsumbĩkĩte e Mũsumbĩ wĩ vinya. O mĩtũkĩ akilyĩ ‘kũkĩlanyʼa [kana, kũminũkĩlya ũsindi wake]’ na aiete nthĩ nzaũ yĩ ũlũngalu.—Ũvu 6:2.

Nĩ kwa nzĩa yĩva mũĩkĩĩo waku ũlũlũmĩĩlwʼe nĩ kwona wathani wa Mbivilia ũyĩanĩa?