Atĩĩa Vyũ Nyaĩĩ sya Klĩsto

Yesũ nĩwatũiĩie ngelekanyʼo ya kũatĩĩa, na mũno mũno ĩla twakwatwa nĩ matatwa kana twathĩnwʼa. (1Vet 2:21-23) O na kau ĩla Yesũ waĩ mathĩnanĩ manene andũ nĩmamũumaa, ndaaĩvanĩsya. (Mk 15:29-32) Nĩ kyaũ kyamũtetheeisye kũmĩĩsya? Nĩwatwʼĩte kwĩka kwenda kwa Yeova. (Yoa 6:38) O na nĩwasyaĩĩsye ‘ũtanu ũla waiĩtwe mbee wake.’—Aevl 12:2.

Twĩkaa ata ĩla twathĩnwʼa kwondũ wa mũĩkĩĩo witũ? Aklĩsto ma wʼo ‘mayĩkũlaa kana, mayĩĩvanĩasya ũthũku kwa ũthũku.’ (Alo 12:14, 17) Twomĩĩsya mathĩna o tondũ Klĩsto weekie, tũkeethĩwa na ũtanu nũndũ tũkeethĩwa twĩtĩkĩlĩtwe nĩ Ngai.—Mt 5:10-12; 1Vet 4:12-14.

ĨLOELEI VITIO YĨ NA KYONGO, ĨSYĨTWA YA YEOVA NĨYO YA VATA VYŨ THAYŨNĨ WITŨ, NA ĨNDĨ MŨISŨNGĨA MAKŨLYO AA MAATĨĨE:

• Nĩ kwa nzĩa yĩva Mwĩĩtu-a-asa Pötzingera watũmĩie ĩvinda yake nesa ĩla wavingĩwe vandũ e weka?

• Nĩ mathĩna meva mwana-a-asa na mwĩĩtu-a-asa Pötzinger moomĩĩisye me kambinĩ sya mathĩna syĩ kĩvathũkanyʼo?

• Nĩ kyaũ kyamatetheeisye kũmĩĩsya?