Wendo Nĩwʼo Ũvano wa Aklĩsto ma Wʼo—Ĩvathane na Kwĩyenda na Kũthata Mĩtũkĩ

NĨKĨ NĨ ŨNDŨ WA VATA: Yesũ amanyĩisye kana wendo nĩwʼo ũkethĩwa wĩ ũvano wa aatĩĩi make. (Yoa 13:34, 35) Nĩ kana twĩthĩwe na wendo ta Klĩsto, no nginya tũthĩnĩkĩae mavata ma andũ ala angĩ na tũyĩvathana na kũthata mĩtũkĩ.—1Ako 13:5.

ŨTONYA KWĨKA ŨU ATA?:

• Yĩla mũndũ waneena kana weeka ũndũ na wakũũmĩsya, amba kũvindya vanini na ũisũanĩa nĩ kyaũ kyatuma eka ũndũ ũsu, na kĩla kĩtonya kwĩkĩka nũndũ wa ĩtambya yĩla ũvangĩte kwosa.—Nth 19:11

• Lilikanaa kana ithyonthe twĩ ene naĩ, na mavinda amwe nĩtũneenaa kana tũkeka maũndũ matonya kũtuma twĩlila

• Ĩwʼanai na mĩtũkĩ ũndũ vatonyeka

ĨLOELEI VITIO YĨ NA KYONGO, ‘ĨTHĨWAI NA WENDO INYWʼĨ KWA INYWʼĨ’—ĨVATHANE NA KWĨYENDA NA KŨTHATA NA MĨTŨKĨ, NA ĨNDĨ MŨISŨNGĨA MAKŨLYO AA MAATĨĨE:

• Nĩ kyaũ Larry weeka kyoonanyʼa kana ndanendeewʼa nĩ kĩla Tom wamũtavya?

• Nĩ kyaũ kyamũtetheesya Tom ndakathate?

• Nĩ ũndũ wĩva mũseo weethĩwa nũndũ Tom nĩwasũngĩa kwa nzĩa nzeo?