Matukũ 19-25, Mwei wa 11

MEKO MA ATŨMWA 4-5

“Nĩmaendeeie Kũneena Ndeto ya Ngai na Ũkũmbaũ”: (Ndat. 10)
- Meko 4:5-13—O na kau Vetelo na Yoana ‘maĩ andũ matamanyĩĩtwʼe,’ mayaakĩa kũtetea mũĩkĩĩo woo mbee wa anene na aandĩki (w08-SW 9/1 15, ĩsandũkũ; w08-SW 5/15 30 ¶6)
- Meko 4:18-20—O na kau Vetelo na Yoana nĩmatĩsiwʼe, mo mayaaeka kũtavanyʼa
- Meko 4:23-31—Aklĩsto ma ĩvinda ya atũmwa nĩmamũvoyaa Yeova amanenge veva wake nĩ kana methĩwe na ũkũmbaũ (it-1-E 128 ¶3)
Kũmantha Ũthwii wa Kĩ-veva: (Ndat. 8)
- Meko 4:11—Nĩkĩ Yesũ wĩtĩtwe ‘ĩvia yĩla ĩnene ya kĩkotonĩ’? (it-1-E 514 ¶4)
- Meko 5:1—Nĩkĩ Anania na Savaila mathooisye kĩlungu kya kĩtheka kyoo? (w13-SW 3/1 15 ¶4)
- Wĩmanyĩisye kyaũ ĩũlũ wa Yeova kĩlungunĩ kya kũsoma Mbivilia kya kyumwa kĩĩ?
- Nĩ maũndũ angĩ meva ma vata wonie kĩlungunĩ kya kũsoma Mbivilia kya kyumwa kĩĩ?
Kũsoma Mbivilia: (Ndũkavĩtũke ndat. 4) Meko 5:27-42

Kũtavya Mũndũ ya Mbee: (Ndũkavĩtũke ndat. 2) Tũmĩa ũvoo ũla wĩ ĩthangũnĩ ya mbee wonanĩtye ũndũ tũtonya kwasya. Mwene nyũmba atũmĩe ndeto itũmĩawa mũno kĩsionĩ kyenyu kwonanyʼa ndekwendeewʼa.
Kũsyokea Mũndũ ya Mbee: (Ndũkavĩtũke ndat. 3) Tũmĩa ũvoo ũla wĩ ĩthangũnĩ ya mbee wonanĩtye ũndũ tũtonya kwasya. Mwene nyũmba akwĩe we ti Mũklĩsto.
Vitio Yonanĩtye Ũndũ Tũtonya Kũsyokea Mũndũ ya Kelĩ: (Ndat. 5) Onanyʼa vitio na mũimĩneenea.

Wathi 82
“Moathimo ma Kũtavanyʼa na Tũkalĩ twa Mavuku”: (Ndat. 15) Ũneenanyʼa na ethukĩĩsya. Kĩlungu kĩĩ kĩtongoewʼe nĩ mũsyaĩĩsya wa ũthũkũmi. Onanyʼa vitio. Ethĩwa kĩkundi kyenyu nĩkĩtũmĩaa kakalĩ ka mavuku kana mesa ũtavanyʼanĩ, siete vu mbee ũmonyʼe. Weta mĩvango ĩla yĩ vo ya kũtavanyʼa nasyo. Ethĩwa ve ĩvinda, elesya ũndũ ũmwe mũseo wonekete kumana na ũtavanyʼa ũũ, kana mwĩke wonanyʼo wa ũndũ ũsu. Elesya ũndũ atavanyʼa matonya kũlika ũtavanyʼanĩ ũũ.
Ĩmanyĩsyo ya Mbivilia ya Kĩkundi: (Ndat. 30) bhs kĩl. 2, kal. 1-9, na Maelesyo ma Mũthya Na. 2
Syokeleela Maũndũ Ala Tweemanyĩsya na Ũiweta kwa Ũkuvĩ Maũndũ Ala Tũkemanyĩsya Kyumwa Kĩla Kĩatĩĩe (Ndat. 3)
Wathi 96 na Mboya