Ũndũ Tũtonya Kwĩthĩwa Atavanyʼa Aseo​—Kũandĩka Valũa Nzeo

NĨKĨ NĨ ŨNDŨ WA VATA: Ĩvuku ya 1 Akolintho nĩ yĩmwe katĩ wa valũa 14 ila Vaulo waandĩkie sya kwĩkĩa Aklĩsto vinya. Kũandĩka valũa nĩkũtumaa mũndũ asũanĩa mũno ndeto ila ũnũkũandĩka, na ũla ũnũkũandĩkĩwa no aũsome ĩngĩ na ĩngĩ. Kũandĩka valũa nĩ nzĩa nzeo ya kumĩsya andũ maitũ ma mũsyĩ ũkũsĩ, o na anyanya maitũ. O na ĩngĩ, kwĩka ũu nĩkũtũtetheeasya tũkavikĩa ala tũtatonya kũneena namo twenene. Kwa ngelekanyʼo, amwe nĩmatonya kwĩthĩwa mayendeewʼa ĩndĩ ũyĩthĩa tũyĩsaa kũmethĩa mĩsyĩ kwoo. Angĩ nĩmatonya kwĩthĩwa mekalaa kũndũ kũsungawa mũno, kũndũ kũtetĩkĩlawʼa andũ angĩ mailika, kana kũndũ kũasa. Nĩ maũndũ maũ twaĩlĩte kũlilikana, na mũno mũno yĩla tũkũandĩkĩa andũ tũtamesĩ valũa?

ŨNDŨ ŨTONYA KWĨKA ŨU:

• 

  Andĩka kĩla ũkwĩsaa kũtavya mũndũ ũsu mwenene. Ũyambĩĩa, ĩyĩelesye nesa nue ũũ, na ũiweta kĩeleelo kya kũandĩka valũa waku. Ĩtina wa ũu, no ũmũkũlye ĩkũlyo, na ũimũelesya ũndũ ũtonya kũkwata ũsũngĩo kĩsesenĩ kitũ. Mũelesye mũvango witũ wa kũtetheesya andũ kwĩmanyĩsya Mbivilia, na ũimũwetea syongo syĩ nthĩnĩ wa ĩvuku yĩmwe katĩ wa ala tũtũmĩaa kũmanyĩsya andũ Mbivilia. No ũmwĩkĩĩe tulakiti, kathangũ ka kũmũthokya ũmbanonĩ, kana kaati ya kũmwelekelya kĩsesenĩ vaasyanĩ ũla ũũmũtũmĩa

• Ndũkaandĩke maũndũ maingĩ. Kũandĩka maũndũ maingĩ nĩũtuma ũla ũnũkũũsoma anoa.—Sisya ngelekanyʼo ya ũndũ tũtonya kũandĩka valũa ĩthangũnĩ ya 8

• Wamina kũandĩka, ũsome ĩngĩ ũĩkĩĩthye ndwĩ na mavĩtyo, nũũsomeka, na ũandĩkĩtwe kwa nzĩa ya ũnyanya na ya kwĩkĩa vinya. Ũmbĩĩa sitambu (stamps) ianĩtye