MAŨNDŨ MA VATA KUMA NDETONĨ YA NGAI | 1 AKOLINTHO 7–9
Kwĩkala Ũtatwaanĩte Kana Ũte Mũtwae Nĩ Mũthĩnzĩo
Kwa myaka mingĩ, Aklĩsto aingĩ nĩmesĩte kũmanya kana kwĩkala ũtatwaanĩte kana ũte mũtwae kwĩ moseo maingĩ mũno, nũndũ nĩkũnengae mũndũ mwanya wa kwongeleela ũthũkũmi wake, mwanya wa kũlũlũmĩĩlya ngwatanĩo yake na Yeova, na wa kũmantha anyanya aingĩ.
ana-a-asa maitavanyʼa Australia, mwaka wa 1937; mwĩĩtu-a-asa wavika nthĩ ya Mexico kũtavanyʼa kũu ĩtina wa kuma Sukulu ya Ngileati, mwaka wa 1947
mwana-a-asa aitavanyʼa nthĩ ya Brazil; ana-a-asa na eĩtu-a-asa me Sukulu ya Atavanyʼa ma Ũsumbĩ nthĩ ya Malawi
ŨNDŨ WA KŨSŨANĨA: Ethĩwa wĩ Mũklĩsto ũte mũtwae kana ũtatwaanĩte, ũtonya kũtũmĩa ĩvinda yaku nesanga ata?
Andũ ala angĩ kĩkundinĩ matonya kũtwʼĩĩka na kwĩkĩa vinya Aklĩsto ala matatwaanĩte na mate atwae ata?