MAŨNDŨ MA VATA KUMA NDETONĨ YA NGAI | 2 AKOLINTHO 4-6
“Tũikusaa Ngoo”
Kwa kũna visa mĩsyĩ ĩlĩ yĩkalaa mwakonĩ ũmwe mũkũũ na ũilye naĩ. Mũsyĩ ũmwe wĩoneka ũkwʼĩte ngoo vyũ, nawʼo ũla ũngĩ wĩonekana wĩ na ũtanu. Nĩkĩ mũsyĩ ũũ wa kelĩ ũkwonekana wĩ na ũtanu? Nũndũ o mĩtũkĩ nũũthamĩĩa nyũmbanĩ nzeo na mbanake.
O na vala “syũmbe syonthe nilumaa vamwe na kwĩthĩwa na woo vamwe kũvika o na yu,” athũkũmi ma Yeova me na wĩkwatyo ũla ũmanengae vinya wa kũendeea kũmĩĩsya. (Alo 8:22) Nĩtwĩsĩ kana mathĩna ala meũtũkwata yu, o na ala methĩĩtwe maitũnyamasya kwa ĩvinda yĩasa, nĩ ma ‘kavinda na ti maito’ maelekanwʼa na kwĩkala tene na tene nthĩnĩ wa nthĩ nzaũ. Twaendeea kũsũanĩĩa moathimo ala makaetwe nĩ Ũsumbĩ ĩvindanĩ yũkĩte, ũu ũkatũtetheesya twĩkalae twĩ atanu na tũteũkwʼa ngoo.