Nthĩ ‘Nĩyamelilye Ũsĩ’

Kuma ĩvinda ya tene silikalĩ sya nthĩ nĩsyonekete mavinda maingĩ iitetheesya andũ ma Yeova. (Esa 6:1-12; Est 8:10-13) O na ũmũnthĩ, nĩtwonete “nthĩ,” kana ikundi sya andũ na silikalĩ ila syĩthĩawa na woni waĩle, iimelya “ũsĩ” ũla nĩ mathĩna ala “mũkũnga” kana Satani ũla Ndevili ũeteae andũ ma Yeova. (Ũvu 12:16) Yeova, ‘Ngai ũla ũvonokasya,’ mavinda amwe no atume asumbĩ ma andũ matetheesya andũ make.​—Sav 68:20; Nth 21:1.

Nao nata ethĩwa nĩwovetwe nũndũ wa mũĩkĩĩo waku? Vate nzika Yeova nĩwene mathĩna maku na nũkũsũvĩaa. (Mwa 39:21-23; Sav 105:17-20) Ĩthĩwa na mũĩkĩĩo vyũ kana ũkaathimwa nũndũ wa kwĩthĩwa na mũĩkĩĩo mũlũmu, na ũĩkĩĩku waku ũkathangaasya ana-a-asa ĩũlũ wa nthĩ yonthe.​—Avi 1:12-14; Ũvu 2:10.

ĨLOELEI VITIO YĨ NA KYONGO ANA-A-ASA MA KOREA NĨMATHAIWʼE KUMA YELA, NA ĨNDĨ MŨISŨNGĨA MAKŨLYO AA:

• Nĩkĩ kwa ĩvinda ya myaka mingĩ ana-a-asa ngili mbingĩ kuma nthĩ ya South Korea methĩĩtwe maikwatwa na kwovwa?

• Nĩ motwi meva koti weekie nĩ kana ũthasye ana-a-asa maitũ kyovo kyoo kĩte kĩthelu?

• Nĩ maũndũ meva tũtonya kwĩka nĩ kana tũtetheesye ana-a-asa maitũ ĩũlũ wa nthĩ ala movetwe nũndũ wa mũĩkĩĩo woo?

• Tũtonya kũtũmĩa nesa ata ũthasyo ũla twĩ nawʼo ũmũnthĩ?

• Nũũ ũtumĩte tũsinda makoani maingĩ kotinĩ?