Twonanasya twĩ na Wendo Yĩla Tweetĩkĩlana na Ũkanyʼo Ũla Yeova Wanenga Angĩ

Yĩla mwĩki wa naĩ watengwa, kĩkundi nĩkĩsũvĩawa na ũsu eĩkĩte naĩ ainewa ũkanyʼo. (1Ko 5:​6, 11) Yĩla tweetĩkĩlana na ũkanyʼo ũsu kuma kwa Yeova, twonanasya twĩ na wendo. Ũndũ ũsu ũtonya kwonanyʼa wendo ata na nĩwʼo tũũmĩaa yĩla mũnyanyae witũ watengwa, o na ala me kamitiinĩ ya sila nowʼo maũmĩaa?

Ũndũ ũla mũnene vyũ nĩ kana, tweeka ũu twonanasya kana nĩtũmwendete Yeova na mĩao yake mĩtheu. (1Vt 1:​14-16) O na ĩngĩ nĩtwonanasya kana nĩtwendete ũla watengwa. Kwoou o na kau ũkanyʼo nũũmĩasya, nũetae “mũuo na ũlũngalu.” (Avl 12:​5, 6, 11) Twĩthĩawa tũilikĩlĩĩla ũkanyʼo wa Yeova yĩla tweethĩwa na ngwatanĩo na mũndũ mũtenge kana mũndũ weetenga. Lilikana kana Yeova akanasya andũ make ‘athimĩte.’ (Yel 30:11) Yĩla twakwata mbau ũkanyʼo wa Yeova, na twaendeea na mĩvango yitũ ya kĩ-veva, twĩthĩawa tũyonanyʼa kana twĩ na wĩkwatyo mũndũ ũsu akamũsyokea Ĩthe witũ wĩ tei.​—Isa 1:​16-18; 55:⁠7.

ĨLOELEI VITIO YĨ NA KYONGO, ENDEEA KWĨTHĨWA WĨ MŨĨKĨĨKU KUMA NGOONĨ, NA ĨNDĨ MŨISŨNGĨA MAKŨLYO AA:

• 

  Asyai Aklĩsto mewʼaa ata yĩla mwana woo wamũtia Yeova?

• 

  Ala angĩ kĩkundinĩ matonya kũtetheesya ata andũ ma mũsyĩ wa ũla watengwa?

• 

  Nĩ ngewa yĩva yĩ Mbivilianĩ yonanĩtye kana kwĩthĩwa twĩ aĩkĩĩku kwa Yeova nĩkwʼo kwa vata vyũ kwĩ kwĩthĩwa twĩ aĩkĩĩku kwa andũ ma mũsyĩ?

• 

  Twonanasya ata kana twĩ aĩkĩĩku kwa Yeova kwĩ kwĩthĩwa twĩ aĩkĩĩku kwa andũ ma mũsyĩ?