Wũmbi Nũlũlũmĩĩlasya Mũĩkĩĩo Witũ Nthĩnĩ wa Ũĩ wa Yeova

We Yeova nĩwĩthĩawa esĩ kĩla kĩseo kwitũ? Ĩĩ vate nzika! Kũĩkĩĩa ũu kũkatũtetheeasya kwonanyʼa kana twĩ oĩ kwa kũatĩĩa nzĩa syake. (Nth 16:3, 9) Ĩndĩ o na ũu wĩ o vo, mũĩkĩĩo witũ nthĩnĩ wa nzĩa sya Yeova no ũtatwe yĩla syeethĩwa syĩ kĩvathũkanyʼo na mosũanĩo maitũ. No tũlũlũmĩĩlye mũĩkĩĩo witũ nthĩnĩ wa ũĩ wa Yeova, twavindĩĩsya ĩũlũ wa wũmbi.—Nth 30:24, 25; Alo 1:20.

ĨLOELEI VITIO, VE ŨLA WOOMBIE? NDITIKŨ SYĨKAA ATA NĨ KANA ITHI KŨLA SYĨKWENDA ITEŨVĨNGĨĨSANA? NA ĨNDĨ MŨISŨNGĨA MAKŨLYO AA MAATĨĨE:

• Nditikũ mbingĩ itethasya wĩa mwaũ kĩla mũthenya?

• Nĩ kyaũ kĩtetheeasya nditikũ iikavĩngĩĩsane?

• Andũ matonya kwĩmanyĩsya kyaũ kumana na ũndũ nditikũ iendaa?

ĨLOELEI VITIO, VE ŨLA WOOMBIE? ŨTONYI WA KŨŨLŨKA WA NZŨKĨ MŨTHEMBA WA BUMBLEBEE, NA ĨNDĨ MŨISŨNGĨA MAKŨLYO AA MAATĨĨE:

• Nĩ mathĩna meva andũ makwataa yĩla matwaĩte ndeke nini?

• Vatonyekaa ata nzũkĩ mũthemba wa bumblebee kũũlũka ĩteũsukumwa kũũ na kũũ nĩ kĩseve?

• Ũĩ wa bumblebee ũtonya kwĩsa kũtethya andũ ata ĩvinda yũkĩte?

Wonete ata kana Yeova nĩ mũĩ weeloela wũmbi kĩsionĩ kĩla mwĩkalaa?