MWĨKALĨLE WA AKLĨSTO
Siĩĩa Mawendi Maku
Nũndũ twĩ andũ me na naĩ, nĩtwaĩle kũtata vyũ tũsiĩĩe mawendi maitũ. Tweeka kwosana na mawendi maitũ, tũikamwendeeasya Yeova. Kwa ngelekanyʼo, andũ amwe mendete mũno syĩndũ ta lĩu, ngũa, na vandũ va kwĩkala mbee wa kũmwenda Ngai. Namo angĩ nĩmeanĩasya mawendi moo ma kũmanyana kĩ-mwĩĩ kwa nzĩa ĩte kwosana na mĩao ya Ngai. (Alo 1:26, 27) Angĩ namo nĩmetĩkĩlaa kũthingʼĩĩwʼa meke maũndũ mataĩlĩte nĩ kana metĩkĩlwe nĩ andũ angĩ.—Kuma 23:2.
Tũtonya kũsiĩĩa mawendi maitũ ata? Nĩtwaĩle kũtata ũndũ tũtonya twĩkae maũndũ ala mamwendeeasya Yeova. (Mt 4:4) O na ĩngĩ, nĩtwaĩle kũmwĩsũva Yeova atũtetheesye tũsiĩĩe mawendi maitũ. Nĩkĩ? Nũndũ nĩwĩsĩ kĩla kĩseo kwitũ na nĩwĩsĩ ũndũ ũtonya kũtwĩanĩĩsya mawendi ala maĩlĩte.—Sav 145:16.
ĨLOELEI VITIO YĨ NA KYONGO, NDŨKETĨKĨLE THAYŨ WAKU WANANGWE NĨ SYĨNDŨ TA SIKALA, NA ĨNDĨ MŨISŨNGĨA MAKŨLYO AA MAATĨĨE:
Nĩkĩ andũ amwe manyusaa sikala?
Kũnywʼa sikala kũtonya kũtuma ũkwatwa nĩ maũndũ ta meva?
Nĩkĩ nĩ ũthũku kũnywʼa sikala na syĩndũ ingĩ ta isu?—2Ko 7:1
No ũsiĩĩe wendi wa kũnywʼa sikala!
Ũtonya kwĩka ata ndũkambĩĩe kũnywʼa sikala kana ũekane na kĩmanyĩo kĩu kĩthũku?