Nginya Yĩla Ũthayũũkyo Ũkethĩwa

Yĩla mũndũ twendete wakwʼa, wĩkwatyo wa ũthayũũkyo nũtũkiakiasya. Ĩndĩ o na vailye ũu, naĩ na kĩkwʼũ itũũmĩasya ithyonthe. Mbivilia ĩelekanasya naĩ na kĩkwʼũ na ‘kĩvwʼĩkĩi kĩla kĩtũvwʼĩkaa ithyonthe’ ũkethĩa tũitonya kũveva. (Isa 25:7, 8) Ũsu nĩ ũndũ ũmwe ũtumaa ‘syũmbe syonthe iluma vamwe na kwĩthĩwa na woo vamwe.’ (Alo 8:22) Tũtonya ata kũmĩĩsya kĩkwʼũ kya endwa maitũ nginya yĩla ũthayũũkyo ũkethĩwa? Ndeto ya Ngai yĩ na myolooto ĩtonya kũtũtetheesya.

ĨLOELEI VITIO, YĨLA WAKWʼĨĨWA NĨ MŨNDŨ WENDETE, NA ĨNDĨ MŨISŨNGĨA MAKŨLYO AA MAATĨĨE:

• Danielle, Masahiro na Yoshimi makwatiwe nĩ ũndũ wĩva wamaũmĩisye mũno?

• Matethekie ata matũmĩa maũndũ atano ala twoona vitionĩ ĩsu?

• Nũũ ũla wumanaa na ũkiakisyo wʼonthe?—2Ko 1:3, 4