MWĨKALĨLE WA AKLĨSTO
Ĩsũvĩane na Akaĩi ma Mũĩkĩĩo
Mavinda maingĩ Satani na aatĩĩi make nĩmavulanasya ũvũngũ na ũwʼo nĩ kana monzye mũĩkĩĩo witũ. (2Ko 11:3) Kwa ngelekanyʼo, Aasuli nĩmatũmĩie ũwʼo nusu vamwe na ũvũngũ mwingĩ nĩ kana matũle andũ ma Yeova ngoo. (2Mav 32:10-15) Ũmũnthĩ akaĩi ma mũĩkĩĩo matũmĩaa nzĩa o ta isu. Tũtonya kwĩka ata yĩla tweethĩana na momanyĩsyo moo? Monae ta sumu! Ndũkasomae maũndũ moo, ndũkatũngĩthasye kĩla maandĩkĩte, kana kũweta momanyĩsyo moo ũiea ngewa. Ĩthĩwa wĩ metho ũmanye ũvoo ũla ũseũvĩtwʼe nĩ kana wĩkĩe andũ nzika ĩũlũ wa Yeova na ũseũvyo wake, na ũileana nawʼo vyũ!—Yuta 3, 4.
ĨLOELEI VITIO, ‘ŨKITĨA MŨĨKĨĨO’!—KALUNGU KA VITIO, NA ĨNDĨ MŨISŨNGĨA MAKŨLYO AA:
Nĩkĩ twaĩle kwĩthĩwa twĩ metho yĩla tũkwĩka maũndũ Indanetinĩ?
Tũtonya ata kũatĩĩa ũtao ũla wĩ nthĩnĩ wa Alomi 16:17?