MWĨKALĨLE WA AKLĨSTO
Asyai—Tetheesyai Syana Syenyu Ikwate Ũĩ wa Ngai
Ũndũ ũmwe wa vata asyai matonya kwĩka matetheesye syana syoo ikwate ũĩ wa Ngai nĩ kũĩkĩĩthya kana nĩsyatetheka nĩ maũmbano ma Kĩklĩsto. Kĩla syĩwʼaa, ikona, na ikaweta iyumya maelesyo maũmbanonĩ no kĩitetheesye ikemanyĩsya maũndũ maingĩ ĩũlũ wa Yeova na iyĩthĩwa na ngwatanĩo ndũmu nake. (Kũt 31:12, 13) Ethĩwa wĩ mũsyai, ũtonya ata kũtetheesya mwana waku atethekae nĩ maũmbano vyũ?
Ĩkĩaa kĩthito ũthi maũmbano Nyũmbanĩ ya Ũsumbĩ.—Sav 22:22
Ĩkĩĩthasya kana nĩwatũmĩa ĩvinda vamwe na ana-a-asa na eĩtu-a-asa maku maũmbano matanambĩĩa kana mathela.—Avl 10:25
Ĩkĩĩthya kana kĩla mũndũ mũsyĩ kwaku e na mavuku ala maĩlĩte kũtũmĩwa maũmbanonĩ, methĩwe me simũnĩ kana ala matumbĩthye
Tetheesya mwana waku eyũmbanyʼe kumya maelesyo atũmĩĩte ndeto syake mwene.—Mt 21:15, 16
Wetaa maũndũ maseo ĩũlũ wa maũmbano na kĩla kĩmanyĩawʼa vo
Tetheesya syana syaku syĩkae maũndũ ta kũthesya Nyũmba ya Ũsumbĩ na iineenaa na ala akũũ kĩkundinĩ
Kũtetheesya syana syaku syĩthĩwe na ngwatanĩo nzeo na Yeova ti wĩa wĩ laisi, na mavinda amwe no woneke ta wĩa wĩ mĩnoo mũno. O na vailye ũu, no wĩthĩwe na mũĩkĩĩo kana Yeova akaũtetheesya.—Isa 40:29.
ĨLOELEI VITIO ASYAI, MWĨKWATYEI YEOVA AMŨNENGE VINYA, NA ĨNDĨ MŨISŨNGĨA MAKŨLYO AA:
Kũnoa mũno kwatumaa Zack na Leah meka ata?
Nĩkĩ asyai maĩlĩte kũmwĩkwatya Yeova amanenge vinya?
Zack na Leah mamwĩkwatisye Yeova amatetheesye maũndũnĩ ta meva?