MWĨKALĨLE WA AKLĨSTO

Kĩla Ndonya Kwĩka Nĩ Kana Twĩthĩawe na Ĩsyĩtwa Ĩseo

Andũ methĩawa masyaĩĩsye mũno kĩla Ngũsĩ sya Yeova ikwĩka. (1Ko 4:9) No twĩkũlye-ĩ, ‘Wʼo ũneeni na meko makwa nimũkumasya Yeova?’ (1Vt 2:12) Vate nzika, tũyenda kwĩka ũndũ o na ũmwe ũtonya kũvaka ndaka ĩsyĩtwa ĩseo yĩla Ngũsĩ sya Yeova syĩseũvĩsye kwa myaka mingĩ.—Mũta 10:1.

Maũndũnĩ aa maatĩĩe, andĩka ũndũ Mũklĩsto ũtonya kwĩka na mwolooto wa Mbivilia ũla ũtonya kũmũtetheesya:

Yĩla mũndũ ũte Ngũsĩ wakumanyʼa mũno

Ũsũngĩo waku
Yĩla ngũa, syĩndũ ta ngalĩ, kana mũsyĩ waku weethĩwa ũte mũtheu

Ũsũngĩo waku
Yĩla mwĩao mũna wa silikalĩ ũkwoneka ũtaĩlĩte kana wĩ vinya kũatĩĩa

Ũsũngĩo waku

Visa: Visa kuma vitionĩ “Kwĩka Maũndũ Matonya Kũtuma Andũ Menda na Manenga Ũla Wʼo Ndaĩa.” 1. Mwana-a-asa ũkwĩka ũkunĩkĩli. 2. Mwana-a-asa na mwĩĩtu-a-asa meũsisya nesa vala ũvoo mekwenda kũtũmĩa umĩte. 3. Mathangũ me na ũvoo mũna maiĩtwe vakuvĩ na mbulosua “Makũlyo Atano ma Vata Ĩũlũ wa Vala Thayũ Waumie.” 4. Mũndũ mũka ũkũtũmĩa simũ yake kũsoma ũvoo kĩsesenĩ kya jw.org.

Ala mekaa ũkunĩkĩli Mũvĩanĩ wa Kũandĩka matumaa ata andũ ma Yeova maendeea kwĩthĩwa na nguma nzeo?

ĨLOELEI VITIO, KWĨKA MAŨNDŨ MATONYA KŨTUMA ANDŨ MENDA NA MANENGA ŨLA WʼO NDAĨA, NA ĨNDĨ MŨISŨNGĨA ĨKŨLYO YĨĨ:

Nĩ kyaũ kĩkwendeeasya yĩla woona kĩthito kĩla ũseũvyo wĩkĩaa nĩ kana ũseũvye mavuku na syĩndũ ingĩ syĩ na ũvoo ũte na mavĩtyo?

Ũsũngĩo waku