MATUKŨ 29, MWEI WA 4–MATUKŨ 5, MWEI WA 5
SAVULI 34-35
Wathi 10 na Mboya | Ndeto sya Kwambĩĩa (Ndat. 1)
1. ‘Mũtaĩae Yeova Mavinda Onthe’
(Ndat. 10)
Ndaviti amũtaĩaa Yeova mavinda onthe o na yĩla weethĩawa na mathĩna (Sav 34:1; w07 3/1 22 ¶11)
Eekathĩĩaa nthĩnĩ wa Yeova vandũ va kwĩkathĩĩa we mwene (Sav 34:2-4; w07 3/1 22 ¶13)
Ndeto ila Ndaviti watũmĩaa kũmũtaĩa Yeova nĩsyeekĩaa anyanyae vinya (Sav 34:5; w07 3/1 23 ¶15)
Ĩtina wa Ndaviti kũvonokwʼa kuma mokonĩ ma Avimeleki, e weũnĩ, aũme 400 ala meewʼaa mateũtanĩa kũsumbĩkwa nĩ Saulo nĩmeekwatanisye nake. (1Sa 22:1, 2) Nĩvatonyeka Ndaviti akethĩwa aandĩkie savuli ĩsu ya 34 asũanĩĩte aũme asu.
ĨKŨLYE-Ĩ, ‘Nĩ maũndũ meva ndonya kũweta nĩmũtaĩe Yeova ndineena na mũndũ ũmbanonĩ ũla ũatĩĩe?’
2. Ũthwii wa Kĩ-veva
(Ndat. 10)
Sav 35:19—Ndaviti oonanasya ata yĩla wamũkũlilye Yeova ndaketĩkĩlye ala meũmũmena ‘mavenanĩsye na methoʼ moo? (w06 5/15 20 ¶2)
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?
3. Kũsoma Mbivilia
(Ndat. 4) Sav 34:1-22 (th ĩsomo ya 5)
4. Kwambĩĩsya Ũneenanyʼa
(Ndat. 2) KŨTAVANYʼA WĨ MAŨNDŨNĨ MAKU. Ũneenanyʼa wenyu ũithela ũtambĩte kumya ũkũsĩ. (lmd ĩsomo ya 1 ũndũ wa 4)
5. Kũsyokea Ala Mekwendeewʼa
(Ndat. 4) KŨTAVANYʼA WĨ MAŨNDŨNĨ MAKU. (lmd ĩsomo ya 2 ũndũ wa 4)
6. Kũelesya Mũĩkĩĩo Waku
(Ndat. 5) Wonanyʼo. ijwfq 59—Kyongo: Ngũsĩ sya Yeova Imanyaa Ata Kana Sikũkũ Ndyaĩlĩte Kũtanĩwa? (th ĩsomo ya 17)
Wathi 59
7. Maũndũ Atatũ Tũtonya Kwĩka Tũmũtaĩe Yeova twĩ Maũmbanonĩ
(Ndat. 15) Ũneenanyʼa na ethukĩĩsya.
Maũmbano ma kĩkundi nĩmatũnengae myanya mĩseo vyũ ya kũmũtaĩa Yeova. Vaa ve maũndũ atatũ tũtonya kwĩka.
Kũea ngewa: Weta ĩũlũ wa ũseo wa Yeova yĩla ũkũea ngewa na andũ ala angĩ. (Sav 145:1, 7) Nĩwĩthĩwa ũneewie kana ũkasoma ũndũ mũna ũkaũtethya? Ve ũndũ mũseo ũneeyoneie wĩ ũtavanyʼanĩ? Ve mũndũ wĩthĩwa anakwĩkĩie vinya kwa kũũtavya kana kũkwĩka ũndũ mũna? Ve kĩndũ kĩna Yeova woombie ũnoonie na kyakwendeesya? Maũndũ asu onthe nĩ mĩthĩnzĩo kuma kwa Yeova. (Yak 1:17) Kwoou, vikaa maũmbanonĩ ndatĩka mbũthũ matanambĩĩa nĩ kana wĩthĩwe na ĩvinda ya kũea ngewa na ala angĩ.
Kumya maelesyo: Tataa umye maelesyo o na ethĩwa no ĩvinda yĩmwe kĩla ũmbano. (Sav 26:12) No umye ũsũngĩo wa ĩmwe kwa ĩmwe wa ĩkũlyo yĩla yakũlwʼa, ũndũ wa kwongeleela kalungunĩ, kĩla ĩandĩko yĩla yonanĩtwʼe yĩũmanyĩsya, ũndũ visa ila syĩ vo iũmanyĩsya, kana ũndũ ũvoo ũla wĩ vo ũtonya kũtũmĩwa. Nũndũ nĩmũtonya kũkĩlya moko mwĩ aingĩ, nũseo ũkethĩawa wĩyũmbanĩtye kumya maelesyo tũlungunĩ twingĩ. Waumya maelesyo matavĩtũkĩte sekendi 30, andũ aingĩ makeethĩawa matonya ‘kumĩsya Ngai nthembo ya ũtaĩo.’—Avl 13:15.
Mbathi: Inaa mbathi sya Ũsumbĩ wĩ mũsanzamũku. (Sav 147:1) No ũeme kũkwata mwanya wa kumya maelesyo kĩla ũmbano, na mũno mũno ethĩwa wĩ kĩkundinĩ kĩnene, ĩndĩ kĩla ĩvinda nũkwataa mwanya wa kwina na ala angĩ. O na ethĩwa wĩwʼaa ũte mwini mũseo, yĩla weekĩa kĩthito wine nesa vyũ, no wĩthĩwe na mũĩkĩĩo kana Yeova nũtanaa! (2Ko 8:12) No wĩyũmbanasye nesa kwa kwĩmanyĩsya mbathi isu wĩ mũsyĩ.
Thaũka VITIO Vala Tumĩte na Maũndũ Ala Twĩanĩĩtye—Mũthĩnzĩo wa Wathi, Kĩlungu kya 1. Na ĩndĩ ũikũlya ethukĩĩsya:
Mwambĩĩonĩ wa ũseũvyo wa Yeova wa ĩvinda yĩĩ, twoonanisye ata kana kwinĩa Yeova mbathi sya kũmũtaĩa nĩ kwa vata mũno?