MATUKŨ 18-24, MWEI WA 11
SAVULI 107-108
Wathi 7 na Mboya | Ndeto sya Kwambĩĩa (Ndat. 1)
1. “Mũtũngĩei Yeova Mũvea; Nũndũ Nĩ Mũseo”
(Ndat. 10)
O tondũ Yeova watangĩĩie Aisilaeli kuma Mbaviloni, nũtũvonoketye kuma nthĩ ĩno ĩtongoewʼe nĩ Satani (Sav 107:1, 2; Ako 1:13, 14)
Kũmũtũngĩa Yeova mũvea nĩkũtũthangaasya tũmũtaĩe maũmbanonĩ (Sav 107:31, 32; w07 4/15 20 ¶2)
Nĩtũmũtũngĩaa Yeova mũvea mũnango yĩla twasũanĩa maũndũ onthe ala wĩkĩte kwondũ witũ (Sav 107:43; w15 15/1 9 ¶4)
2. Ũthwii wa Kĩ-veva
(Ndat. 10)
Sav 108:9—Nĩ kyaũ kĩtonya kwĩthĩwa kyatumie Moavi yĩelekanwʼa na ‘mbisũ ya Ngai ya kũthambĩa’? (it-2 420 ¶4)
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?
3. Kũsoma Mbivilia
(Ndat. 4) Sav 107:1-28 (th ĩsomo ya 5)
4. Kwambĩĩsya Ũneenanyʼa
(Ndat. 3) KŨTAVANYʼA WĨ MAŨNDŨNĨ MAKU. (lmd ĩsomo ya 1 ũndũ wa 4)
5. Kũsyokea Ala Mekwendeewʼa
(Ndat. 4) KŨTAVANYʼA WĨ MAŨNDŨNĨ MAKU. Mũtavye ĩũlũ wa mũvango witũ wa kũmanyĩsya andũ Mbivilia, na ũimũnenga kaati ya kũmũthokya emanyĩsye Mbivilia. (lmd ĩsomo ya 9 ũndũ wa 3)
6. Ũvoo
(Ndat. 5) ijwyp 90—Kyongo: Ndonya Ata Kũeka Kwĩthĩwa na Mawoni Mathũku Kĩla Ĩvinda? (th ĩsomo ya 14)
Wathi 46
7. Nĩtũmũtũngĩaa Yeova Mũvea Yĩla Tũkwina
(Ndat. 15) Ũneenanyʼa na ethukĩĩsya.
Ĩtina wa Yeova kũtangĩĩa Aisilaeli ala maĩ na wia kuma itanĩ syĩ vinya sya Misili me Ũkanganĩ Mũtune, nĩmainie wathi me atanu nũndũ wa kĩla wamekĩte. (Kuma 15:1-19) Aũme nĩmo mambĩĩie kwina wathi ũsu mweũ. (Kuma 15:21) O nake Yesũ na Aklĩsto ma mbee nĩmamũtaĩaa Ngai na mbathi. (Mt 26:30; Ako 3:16) Twonanasya kana nĩtũmũtũngĩaa Yeova mũvea kwa kwina yĩla twĩ maũmbanonĩ ma kĩkundi, maũmbanonĩ ma mũthyũlũlũko, na maũmbanonĩ manene. Kwa ngelekanyʼo wathi ũla twaina, “Twĩkũtũngĩa Mũvea Yeova,” wĩthĩĩtwe ũyinwa maũmbanonĩ maitũ kuma mwaka wa 1966.
Isionĩ imwe, aũme no mewʼe nthoni kwina mbee wa andũ. Namo andũ angĩ mayendaa kwina nũndũ mewʼaa mate na wasya mũseo wa kwina. Ĩndĩ, twaĩle kũlilikana kana kwina maũmbanonĩ maitũ nĩ kĩlungu kya ũthaithi witũ. Ũseũvyo wa Yeova nĩwĩkĩaa kĩthito kingĩ ũtunge mbathi sya kwendeesya na ũinyuva nĩ syĩva syaĩle kwinwa kĩla ũmbanonĩ. Kĩla twaĩle kwĩka nĩ kwina twĩ vamwe nĩ kana twonanyʼe ũndũ tũmwendete na tũmũtũngĩaa mũvea Ĩthe witũ wa ĩtunĩ.
Thaũka VITIO Vala Tumĩte na Maũndũ Ala Twĩanĩĩtye—Mũthĩnzĩo wa Wathi, Kĩlungu kya 2. Na ĩndĩ ũikũlya ethukĩĩsya:
Nĩ ũndũ wĩva wa mwanya weekĩkie mwaka wa 1944?
Ana-a-asa maitũ nthĩ ya Siberia moonanisye ata kana nĩmendete kwina mbathi sya Ũsumbĩ?
Nĩkĩ Ngũsĩ sya Yeova syonaa kwina wĩ ũndũ wa vata mũno?
8. Ĩmanyĩsyo ya Mbivilia ya Kĩkundi
(Ndat. 30) bt ĩsomo ya 18 ¶6-15