MATUKŨ 6-12, MWEI WA 1

SAVULI 127-134

Wathi 134 na Mboya | Ndeto sya Kwambĩĩa (Ndat. 1)

MAŨNDŨ MA VATA KUMA NDETONĨ YA NGAI

1. Asyai—Endeeai Kũsũvĩa Ũtiĩwa Wenyu wa Vata Mũno

(Ndat. 10)

Asyai no maĩkĩĩe vyũ kana Yeova akamatetheeasya meanĩsye mavata ma mũsyĩ woo (Sav 127:1, 2)

Syana nĩ mũthĩnzĩo wa vata mũno kuma kwa Yeova (Sav 127:3; w21.08 5 ¶9)

Manyĩsyai kĩla kana kwosana na mavata mako (Sav 127:4; w19.12 26 ¶20)

Mwana-a-asa ũkũtũmĩa mbulosua “Kavuku Kakwa ka Kwĩmanyĩsya Mbivilia” kwĩmanyĩsya na syana syake ilĩ. Syana isu syĩkũna visa kĩlĩkonĩ iithaũka na nzou na ĩlaĩ syĩ Nthĩ Nzaũ. — Yeova nũtanaa mũno yĩla woona asyai mamwĩkwatĩtye na mayĩka kyonthe kĩla matonya masũvĩe syana syoo

2. Ũthwii wa Kĩ-veva

(Ndat. 10)

Sav 128:3—Nĩkĩ mũandĩki wa Savuli waelekanilye syana na mĩmea ya mĩtĩ ya mĩthata? (w00 5/15 27 ¶3-5)

Ũsũngĩo waku
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?

Ũsũngĩo waku

3. Kũsoma Mbivilia

(Ndat. 4) Sav 132:1-18 (th ĩsomo ya 2)

ĨKĨA KĨTHITO WĨTHĨWE MŨTAVANYʼA MŨSEO

4. Kwambĩĩsya Ũneenanyʼa

(Ndat. 3) KŨTAVANYʼA WĨ MAŨNDŨNĨ MAKU. (lmd ĩsomo ya 1 ũndũ wa 3)

5. Kwambĩĩsya Ũneenanyʼa

(Ndat. 4) KŨTAVANYʼA WĨ MAŨNDŨNĨ MAKU. Ũla ũũneena nake aweta ũndũ ũũvĩngana na kĩla Mbivilia ĩmanyĩasya. (lmd ĩsomo ya 5 ũndũ wa 4)

6. Kũtwʼĩkĩthya Andũ Amanyĩwʼa

(Ndat. 5) lff ĩsomo ya 16 ũndũ wa 4-5. Neena na mũmanyĩwʼa waku ĩũlũ wa mĩvango ĩla wĩkĩte nĩ kana wĩthĩe no aendeee kwĩmanyĩsya yĩla ũte kwʼo. (lmd ĩsomo ya 10 ũndũ wa 4)

MWĨKALĨLE WA AKLĨSTO

Wathi 13

7. Asyai—Nĩmũtũmĩaa Ngelekanyʼo Yenyu Kũmanyĩsya Syana Syenyu?

(Ndat. 15) Ũneenanyʼa na ethukĩĩsya.

Ũseũvyo wa Yeova nĩwumĩthĩtye syĩndũ mbingĩ nĩ kana ũtetheesye asyai mamanyĩsye syana syoo ĩũlũ wa Yeova. O na vailye ũu, nzĩa ĩmwe nzeo vyũ asyai matonya kũtũmĩa kũmanyĩsya syana syoo nĩ kwĩsĩla ngelekanyʼo yoo nzeo.—Kũt 6:5-9.

Yesũ nĩwatũmĩie ngelekanyʼo yake kũmanyĩsya amanyĩwʼa make.

Somai Yoana 13:13-15. Na ĩndĩ ũikũlya ethukĩĩsya:

Nĩkĩ tũtonya kwasya kana nzĩa ya Yesũ ya kũmanyĩsya atũmĩĩte ngelekanyʼo yake yaĩ nzeo vyũ?

Ũsũngĩo waku

Wĩ mũsyai, meko maku no matume syana syaku imanya kana maũndũ ala ũimanyĩasya nĩ ma vata mũno. O na ĩngĩ, weekĩĩa syana syaku ngelekanyʼo nzeo, ũu ũkaithangaasya ikwĩthukĩĩsye na iyĩatĩĩa kĩla ũkũimanyĩsya.

Visa: Visa kuma vitionĩ “Kũmanyĩsya Syana Sitũ Kwĩsĩla Ngelekanyʼo Yitũ.” 1. Mũsyĩ wa Garcia me ngalĩnĩ meyũmbanĩtye kũthi maũmbanonĩ. 2. Me mesanĩ ya kũĩĩa ĩtina wa kuma maũmbanonĩ. Maiya lĩu na kũea ngewa me vamwe. 3. Mwana-a-asa Garcia amba kũeka kwĩmanyĩsya aneene na ũmwe wa eĩtu make. 4. Mwana-a-asa na Mwĩĩtu-a-asa Garcia maitũmĩa Mbivilia kũneena na ũmwe wa eĩtu moo.

Thaũka VITIO Kũmanyĩsya Syana Sitũ Kwĩsĩla Ngelekanyʼo Yitũ. Na ĩndĩ ũikũlya ethukĩĩsya:

Nĩ maũndũ meva ma vata Mwana-a-asa na Mwĩĩtu-a-asa Garcia mamanyĩisye eĩtu moo?

Ũsũngĩo waku
Vitio ĩno yakwĩkĩa vinya ata ũendeee kwiĩa syana syaku ngelekanyʼo nzeo?

Ũsũngĩo waku

8. Ĩmanyĩsyo ya Mbivilia ya Kĩkundi

(Ndat. 30) bt ĩsomo ya 20 ¶13-20