MATUKŨ 5-11, MWEI WA 5

NTHIMO 12

Wathi 101 na Mboya | Ndeto sya Kwambĩĩa (Ndat. 1)

MAŨNDŨ MA VATA KUMA NDETONĨ YA NGAI

1. Kũthũkũma na Kĩthito Nĩkũetae Moathimo

(Ndat. 10)

Ndũkanange ĩvinda yaku ũisembanyʼa na syĩndũ ite na vata (Nth 12:11)

Thũkũma na kĩthito na ũyĩka kyonthe kĩla ũtonya (Nth 12:24; w16.06 30 ¶7)

Wathũkũma na kĩthito ũkaathimwa (Nth 12:14)

Visa: Mwana-a-asa ũkũthũkũma na kĩthito aikwatanyʼa mĩveleki na ayĩka maũndũ ma kĩ-veva. 1. Atembeete akuĩte mĩio yake ya wĩa. 2. Aendeee kũkwatanyʼa mũveleki mũnene. 3. E ũmbanonĩ wa kĩkundi vamwe na mũsyĩ wake. E na kelĩtu kake kanini mokĩlĩtye kwʼoko masũngĩe. 4. Etũmĩa tulakiti kũtavya mũndũũme ũvoo mũseo me kĩvetulonĩ.

KAŨNDŨ ŨTONYA KWĨKA: Kũthũkũma na kĩthito no kũtume twĩwʼa twĩ eanĩe yĩla twasũanĩa ũndũ kwĩka ũu kũtonya kũtethya angĩ.—Mek 20:35; w15 1/2 5 ¶4-6.

2. Ũthwii wa Kĩ-veva

(Ndat. 10)

Nth 12:16—Mwolooto ũla wĩ mũsoanĩ ũũ ũtonya ata kũtetheesya mũndũ ethĩwe e mũlũmu yĩla wakwatwa nĩ maũndũ momũ? (ijwyp kĩlungu kya 95 ¶10-11)

Ũsũngĩo waku
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?

Ũsũngĩo waku

3. Kũsoma Mbivilia

(Ndat. 4) Nth 12:1-20 (th ĩsomo ya 5)

ĨKĨA KĨTHITO WĨTHĨWE MŨTAVANYʼA MŨSEO

4. Kwambĩĩsya Ũneenanyʼa

(Ndat. 2) KŨTAVANYʼA NYŨMBA KWA NYŨMBA. (lmd ĩsomo ya 1 ũndũ wa 4)

5. Kwambĩĩsya Ũneenanyʼa

(Ndat. 3) KŨTAVANYʼA NYŨMBA KWA NYŨMBA. Mũelesye kana nĩtwĩthĩawa na mũvango wa kwĩmanyĩsya Mbivilia na andũ, na ũimũkũlya kana no ende mwambĩĩe kwĩmanyĩsya. (lmd ĩsomo ya 5 ũndũ wa 4)

6. Kũsyokea Ala Mekwendeewʼa

(Ndat. 3) KŨTAVANYʼA WĨ MAŨNDŨNĨ MAKU. Onyʼa mũndũ wĩ na syana kĩsese kitũ. (lmd ĩsomo ya 9 ũndũ wa 3)

7. Kũelesya Mũĩkĩĩo Waku

(Ndat. 3) Wonanyʼo. ijwfq kĩlungu kya 3—Kyongo: We Nũĩkĩĩaa Kana Nũkwatĩte Ndĩni Ĩla ya Wʼo? (lmd ĩsomo ya 4 ũndũ wa 3)

MWĨKALĨLE WA AKLĨSTO

Wathi 21

8. Yeova No Aũtetheesye Kũmĩĩsya Mathĩna ma Mbesa

(Ndat. 15) Ũneenanyʼa na ethukĩĩsya.

We nĩwĩwʼaa ũithĩnĩka ĩũlũ wa kũmantha wĩa, kwasya wĩa waku, kana kwĩthĩwa ũtatonya kũkwata mbesa ianĩtye ũtonya kũtũmĩa oyu kana wakũa? Ũkwati wa nthĩ ĩno no ũalyũke na mĩtũkĩ. Ĩndĩ, Yeova atũĩkĩĩthĩtye kana twamũvĩtya mbee, mavinda onthe akathĩnĩkĩaa mavata maitũ, o na ethĩwa maũndũ maitũ nĩmaalyũka weethĩa twĩ na thĩna wa mbesa.—Sav 46:1-3; 127:2; Mt 6:31-33.

Visa kuma vitionĩ “Yeova Ndaaĩsa Kũtũtia.” Mwana-a-asa Alvarado akwete mũka kwʼoko maivoya me ta mũsyĩ.

Thaũka VITIO Yeova Ndaaĩsa Kũtũtia. Na ĩndĩ ũikũlya ethukĩĩsya:

Ngewa ya Mwana-a-asa Alvarado yĩũmanyĩsya kyaũ?

Ũsũngĩo waku

Somai 1 Timotheo 5:8. Na ĩndĩ ũikũlya ethukĩĩsya:

Mũsoa ũũ walũlũmĩĩlya mũĩkĩĩo waku ata kana mavinda onthe Yeova akathĩnĩkĩaa mavata ma athaithi make?

Ũsũngĩo waku

Sũanĩa myolooto ĩno ya Mbivilia ĩtonya kũũtetheesya yĩla wakwatwa nĩ mathĩna ma mbesa:

Ĩkala ũte na syĩndũ mbingĩ sya kĩ-mwĩĩ. Ĩvathane na makoani mate ma lasima na kũthooa syĩndũ sya mbesa mbingĩ ite sya lasima.—Mt 6:22
Ĩka motwi ĩũlũ wa wĩa na kĩsomo ala matonya kũũtetheesya kũvĩtya ũthaithi wa Yeova mbee.—Avi 1:9-11
Ĩthĩwa na wĩnyivyo na ũialyũkana na maũndũ. Waasya wĩa, ĩthĩwa wĩyũmbanĩtye kũtethya wĩa wʼonthe ũla ũtonya, o na ethĩwa nĩ wa kĩlasi kya nthĩ, nĩ kana ũũtetheesye kwĩanĩsya mavata ma mũsyĩ waku.—Nth 14:23
Ĩthĩwa wĩyũmbanĩtye kũtetheesya angĩ na kĩla wĩ nakyo, o na ethĩwa nĩ kĩnini.—Avl 13:16

9. Ĩmanyĩsyo ya Mbivilia ya Kĩkundi

(Ndat. 30) bt ĩsomo ya 26 ¶1-8, masandũkũ ĩth. ya 204, 208