MATUKŨ 20-26, MWEI WA 10
MŨTAVANʼYA 9-10
Wathi 30 na Mboya | Ndeto sya Kwambĩĩa (Ndat. 1)
1. Endeea Kwĩthĩwa na Woni Waĩle Ĩũlũ wa Matatwa Ala Maũkwatĩte
(Ndat. 10)
Nĩtwĩsĩ kana yĩla twakwatwa nĩ matatwa, ũu ndwonanasya kana Yeova ndendeeawʼa nithyĩ (Mũta 9:11; w13 1/8 17 ¶20-21)
Nĩtwĩsĩ kana tũilea kũkwatwa nĩ matatwa twĩ nthĩnĩ wa nthĩ ĩno nthũku ya Satani (Mũta 10:7; w19.09 4 ¶10)
Nĩtwaĩlĩte kwosa ĩvinda tũtanĩe syĩndũ nzeo ila Yeova ũtũnengete, o na yĩla tũendeee kũmĩanĩsya na maũndũ momũ (Mũta 9:7, 10; w11 15/10 ¶1-2)
2. Ũthwii wa Kĩ-veva
(Ndat. 10)
Mũta 10:12-14—Mĩsoa ĩno ĩwetete ũkanyʼo wĩva ĩũlũ wa nzukũ? (it “Nzukũ, Kũneena Ndeto sya Kwanangĩa Angĩ Ĩsyĩtwa” ¶4, 8)
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?
3. Kũsoma Mbivilia
(Ndat. 4) Mũta 10:1-20 (th ĩsomo ya 11)
4. Kwambĩĩsya Ũneenanyʼa
(Ndat. 3) KŨTAVANYʼA KŨLA KWĨTHĨAWA ANDŨ AINGĨ. Ambĩĩsya ũneenanyʼa na mũndũ ũkwoneka e mũthatu. (lmd ĩsomo ya 3 ũndũ wa 4)
5. Kwambĩĩsya Ũneenanyʼa
(Ndat. 4) KŨTAVANYʼA WĨ MAŨNDŨNĨ MAKU. Neenea ũndũ ũmwe kuma kĩlungunĩ, “Ũwʼo Twendete Kũmanyĩsya Andũ” kĩla kĩ ũvoonĩ wa kwongeleela wa A mbulosuanĩ Mende Andũ na mũndũ waũtavya kana nũkũthĩnĩka nũndũ kwĩ na thĩna wa mbesa. (lmd ĩsomo ya 4 ũndũ wa 4)
6. Kũtwʼĩkĩthya Andũ Amanyĩwʼa
(Ndat. 5) lff ĩsomo ya 17 kĩla tweemanyĩsya, makũlyo ma kũsyokeleela, na ũndũ wa kwĩka. (lmd ĩsomo ya 12 ũndũ wa 3)
Wathi 47
7. Yeova Akaũtetheeasya Yĩla Wakwatwa Nĩ Thĩna
(Ndat. 15) Ũneenanyʼa na ethukĩĩsya.
Kĩla mũthenya nĩtũkwatawa nĩ matatwa na mathĩna me kĩvathũkanyʼo. Ĩndĩ, matatwa amwe matũkwataa na mĩtũkĩ tũtataĩĩe na methĩawa me momũ nginya makatũũmĩsya kĩ-mwĩĩ, ngoonĩ, o na kĩ-veva. Tũtonya ata kũmĩĩsya yĩla twakwatwa nĩ mathĩna?
O na twakwatwa nĩ mathĩna meva, Yeova ethĩawa e ʼwĩvitho witũ.’ (Sav 62:2, The Holy Bible in Current Kikamba Language) Nĩ kana tũmwĩkwatye Yeova, nĩtwaĩlĩte kwĩthĩwa na wĩnyivyo. (Nth 11:2) Yĩla twakwatwa nĩ mũisyo kana thĩna, nĩtwaĩlĩte kwĩnenga ĩvinda yĩanĩtye nĩ kana tũthĩnĩkĩe nesa thĩna ũla ũtũkwatĩte ithyĩ ene kana endwa maitũ, twĩke motwi maseo, na tũyĩthĩwa na ĩvinda yĩanĩtye ya kũmeta.—Mũta 4:6.
Nũndũ Yeova atũmĩaa athaithi make kwĩkĩa ala angĩ vinya, o naitũ twaĩle kwĩthĩwa twĩyũmbanĩtye kwĩtĩkĩla na kwĩtya ũtethyo. Lilikana, ana-a-asa na eĩtu-a-asa maku nĩmakwendete mũno, na nĩmatanĩaa kũũtetheesya.
Somai 2 Akolintho 4:7-9. Na ĩndĩ ũikũlya ethukĩĩsya:
Nĩkĩ nĩ ũndũ wa vata tũendeee kũendaa maũmbanonĩ, kũsoma Mbivilia, na kũtavanyʼa o na yĩla tũkwĩwʼa ve vinya kwĩka ũu?
Thaũka VITIO Yeova e Vakuvĩ na Ala Matũlĩkĩte Ngoo. Na ĩndĩ ũikũlya ethukĩĩsya:
Yeova atetheeisye ata Mwana-a-asa na Mwĩĩtu-a-asa Septer?
Athaithi ala angĩ mamatetheeisye ata?
Ngelekanyʼo yoo yĩũmanyĩsya ũndũ ũngĩ wĩva?
8. Ĩmanyĩsyo ya Mbivilia ya Kĩkundi
(Ndat. 30) lfb ĩsomo ya 28, maelesyo ma kĩlungu kya 6, na ĩsomo ya 29