Tata Wĩmanyĩsye Maũndũ Meũ Yĩla Ũũsoma Mbivilia

Yĩla tũkwĩyũmbanyʼa nĩ kana twĩmanyĩsye, no twĩkũlye-ĩ, ‘Nĩsũanĩa ndonya kwĩmanyĩsya maũndũ meva?’ Ĩndĩ o na ũu wĩ o vo, nĩtwaĩle kwĩsũvĩa tũikaeke maũndũ ala tũũsũanĩaa nĩtũkwĩmanyĩsya matũlinde metho nginya tũeme kwona maũndũ ala Yeova ũkũtũmanyĩsya. Tũtonya ata kũmwĩthukĩĩsya Yeova aitũmanyĩsya?

Voya ũkwate ũĩ. Mũkũlye Yeova aũtetheesye ũmanye kĩla we ũkwenda wĩmanyĩsye ĩvindanĩ yĩu. (Yak. 1:5) Na ndũkatate kwĩanĩwa no kĩla ũtwĩe wĩsĩ.—Nth. 3:​5, 6.

Nenga ndaĩa ũtonyi wa mwanya ũla Mbivilia yĩthĩawa nawʼo. “Ndeto ya Ngai yĩ thayũ.” (Aevl. 4:12) Kwoou kĩla ĩvinda tũũmĩsoma, no ĩtũmanyĩsye ũndũ mweũ na ĩitũtetheesya maũndũnĩ me kĩvathũkanyʼo. Ĩndĩ vakeethĩawa vailye ũu o ethĩwa nĩtũkwenda ĩtũmanyĩsye.

Tũngĩaa Yeova mũvea nũndũ wa syĩndũ ila ũtũmĩaa kũtũmanyĩsya. Lĩu wa kĩ-veva ũla ũtũnengae ũilye ta “mboka ya syĩndũ nou.” (Isa. 25:6) Kwoou ndũkaeme kũsoma syongo ila ũũsũanĩa ndwĩtanĩa kũisoma. Weeka ũu, ũkatethekaa na ũkatanĩaa mũno kwĩmanyĩsya.