Ũtethyo Mwingangĩ Kwondũ wa Asyai

O tondũ ũtonya kwĩthĩwa woona, ũtao ũla wĩ ĩkasetinĩ yĩĩ umĩte Mbivilianĩ. Mbivilia nĩyo yĩ na ũtao ũla mũseo vyũ ũtonya kũtetheesya kĩla ũmwe nthĩnĩ wa mũsyĩ ekale nesa thayũnĩ. Myolooto yayo nĩtonya kwaĩlangya ũtonyi wa mũndũ wa kũsũanĩa, na wa kwĩka motwi maseo.​—Nthimo 1:1-4.

O NA ĨNGĨ MBIVILIA NĨSŨNGĨĨTE MAKŨLYO MA VATA THAYŨNĨ TA:

• Kĩeleelo kya kwĩthĩwa thayũ nĩ kyaũ?

• Ngai nĩwe ũetae mathĩna ala matũkwataa?

• Nĩ kyaũ kĩthĩawa yĩla mũndũ wakwʼa?

Nĩtũũkũthokya wĩyĩkĩe ũkunĩkĩli Mbivilianĩ nĩ kana ũkwate mosũngĩo ma makũlyo asu na angĩ maingĩ. Ĩloele vitio, Nĩkĩ Waĩle Kwĩmanyĩsya Mbivilia? Tũmĩa ũvano ũũ, kana ũlike nthĩnĩ wa jw.org/kam.