Thayũ Nthĩnĩ wa Valatiso Wailyĩ Ata?

Yeova nĩwanengie Atamu na Eva syĩndũ mbingĩ nzeo. Mwambĩlĩlyo 1:​28

Yeova oombie mũndũ mũka wa mbee, Eva, na amũnengane kwa Atamu atwʼĩke mũka wake.​—⁠Mwambĩlĩlyo 2:​21, 22.

Yeova amombie me na ilĩko na mĩĩ mĩanĩu, mate na ĩvĩtyo o na yĩmwe.

Mũsyĩ woo waĩ mũũnda wa Eteni​—⁠vala vaĩ vanake mũno na vaĩ mbũsĩ mbingĩ vamwe na mĩtĩ ya matunda na nyamũ.

Yeova nĩwaneenie namo; nĩwamamanyĩisye. Keka nĩmamwĩthukĩĩisye, methĩwa mekalile tene na tene nthĩnĩ wa Valatiso ĩũlũ wa nthĩ.

Ngai ameie maikaye kumana na ũmwe wa mĩtĩ. Mwambĩlĩlyo 2:​16, 17

Yeova nĩwoonisye Atamu na Eva mũtĩ ũmwe wa matunda nthĩnĩ wa mũũnda na amea maya wa mũtĩ ũsu, makakwʼa.

Ũmwe wa alaĩka nĩwaleile Ngai. Mũlaĩka ũsu mũthũku nĩ Satani ũla Ndevili.

Satani ndendaa Atamu na Eva mamwĩwʼe Yeova. Kwondũ wa ũu nĩwatũmĩie nzoka kwĩa Eva kana aya ĩtunda kuma mũtĩnĩ ũsu, ndakakwʼa, ĩndĩ akekala ta Ngai. Kwa wʼo, ũsu waĩ ũvũngũ.⁠​—⁠Mwambĩlĩlyo 3:​1-5.