Maelesyo ma Kĩlungu kya 9

Kĩlungu kĩĩ nĩkĩũtũmanyĩsya ũndũ andũ ma mũika, athani, na asumbĩ moonanisye kana nĩmamũĩkĩĩĩte Yeova vyũ. Kelĩtu kamwe Kamũisilaeli, kala kaĩ Silia, kaĩ na mũĩkĩĩo kana mwathani wa Yeova nũkũvosya Naamani. Mwathani Elisa aĩ na mũĩkĩĩo kana Yeova nũkũmũsũvĩana na asikalĩ ala maĩ amaitha make. Mũthembi Mũnene Yeoiata nĩweelikilye mũisyonĩ nĩ kana asũvĩe Yeoasi ndakoawe nĩ ũsũe Athalia. Mũsumbĩ Esekia aĩ na mũĩkĩĩo kana Yeova akatangĩĩa Yelusaleme, na kwoou ndaakĩa Aasuli. Mũsumbĩ Yosia nĩwavetangie ũthaithi wa mĩvwʼanano, aseũvya ĩngĩ ĩkalũ, na atongoeasya mbaĩ ĩsu nĩ kana yambĩĩe ĩngĩ kũthaitha Ngai wa wʼo.