KŨTWʼĨKĨTHYA ANDŨ AMANYĨWʼA
ĨSOMO YA 12
Neena Ũteũvithanyʼa Kĩndũ
Mwolooto: “Mauta na syĩndũ ila inyungaa nesa matanĩthasya ngoo, no ta ũu mũyo wa mũnyanyae wa mũndũ ũla wumaa ũtaonĩ wa ngoo.”—Nth. 27:9.
Kĩla Yesũ Weekie
1. Ĩloele VITIO, kana ũsome Maliko 10:17-22. Ĩtina wa ũu, sũanĩa makũlyo aa maatĩĩe:
Yesũ atonya kwĩthĩwa oonie nguma syĩva nzeo sya mwanake ũsu?
Nĩ kana amũtae, nĩkĩ waaĩlĩte kwĩthĩwa na wendo ĩndĩ aineena nake ateũmũvithanyʼa kĩndũ?
Ngelekanyʼo ya Yesũ Yĩtũmanyĩsya Kyaũ?
2. Nĩ kana tũtetheesye amanyĩwʼa meke maendeeo, nĩtwaĩlĩte kũneena namo nesa ĩndĩ tũteũmavithanyʼa kĩndũ.
Atĩĩa Ngelekanyʼo ya Yesũ
3. Tetheesya mũmanyĩwʼa ethĩwe na mĩvango ya kĩ-veva na aimĩanĩsya.
Tũmĩa kĩlungu “Ũndũ wa Kwĩka,” kĩla kĩthĩawa kĩla ĩsomonĩ ya ĩvuku Tanĩa Thayũ Tene na Tene!
Mũtetheesye aelewe kĩla waĩle kwĩka nĩ kana avote kwĩanĩsya mĩvango mĩnini na mĩnene.
Mũkathae nũndũ wa maendeeo ala wĩkĩte.
4. Manya kĩla kĩũmũsiĩĩa kwĩka maendeeo na ũimũtetheesya akĩkĩlye vinya.
Ĩkũlye-ĩ:
‘Ethĩwa ndekĩte maendeeo avikĩĩe kũvatiswa, nĩ kyaũ kĩũmũsiĩĩa?’
‘Ndonya kũmũtetheesya ata?’
Voya ũkwate ũkũmbaũ wa kũmũelesya kĩla waĩlĩte kwĩka ũteũmũvithanyʼa kĩndũ ĩndĩ ũimũelesya o nesa.
5. Eka kwĩmanyĩsya na mũmanyĩwʼa ethĩwa ndekwĩka maendeeo.
No ũmanye ethĩwa nĩwĩkĩte maendeeo weekũlya-ĩ:
‘Nũatĩĩaa kĩla weemanyĩsya?’
‘Nĩwũkaa maũmbanonĩ na nũtavasya angĩ kĩla wĩmanyĩĩtye?’
‘Ethĩwa nĩwĩmanyĩĩtye kwa ĩvinda, we nũkwenda kũtwʼĩka Ngũsĩ ya Yeova?’
Ethĩwa mũmanyĩwʼa ndekwenda kwĩka maendeeo:
Mũkũlye avindĩĩsye kĩla kĩtonya kwĩthĩwa kĩimũsiĩĩa.
Mũelesye kwa ũĩ nĩkĩ ũkũeka kwĩmanyĩsya nake.
Mũelesye matambya ala waĩlĩte kwosa nĩ kana mwambĩĩe kwĩmanyĩsya ĩngĩ.
O NA ĨNGĨ, SISYA
Sav. 141:5; Nth. 25:12; 27:6; 1 Ako. 9:26; Ako. 4:5, 6