Ĩkĩa Atavanyʼa Vinya Mamanthe Andũ ma Kũmanyĩwʼa Mbivilia Wathanthatũ wa Mbee wa Mwei

Kwambĩĩa Mwei wa 5, 2011, atavanyʼa nĩmeekĩiwe vinya kũmanthaa andũ ma kũmanyĩwʼa Mbivilia kĩla Wathanthatũ wa mbee wa mwei. Nĩ kana twĩke ũu, kĩlungu “Mosũngĩo ma Makũlyo ma Mbivilia,” kĩla kĩthĩawa kĩla ĩkasetinĩ ya andũ onthe ya Mũsyaĩĩsya nĩkĩseũvĩtwʼe kĩtũtetheesye. Kwoou, kĩla ũmbano wa ũtavanyʼa wa Wathanthatũ wa mbee wa mwei waĩlĩte kwonanyʼa ũndũ kĩlungu kĩĩ kĩtonya kũtũmĩwa kwambĩĩsya kwĩmanyĩsya Mbivilia na andũ, na vaĩlĩte kwĩthĩwa na wonanyʼo.

Atumĩa ma kĩkundi no mavange kĩla kĩkundi kya ũtavanyʼa kyũmbane kĩ kyoka Wathanthatũ ũsu, kana makavanga ikundi syonthe sya ũtavanyʼa ikomanĩe vamwe Nyũmbanĩ ya Ũsumbĩ. Ethĩwa Nyũmba ya Ũsumbĩ ĩthaithĩawa nĩ ikundi syĩ kĩvathũkanyʼo, ũmbano ũũ wa ũtavanyʼa wa Wathanthatũ wa mbee wa mwei ndwaĩlĩte kũthamĩĩwʼa mũthenya ũngĩ nĩ kana ikundi sya ũtavanyʼa sya kĩkundi kĩna syũmbane vamwe.