Ũndũ Ũtonya Kwasya

Kũmantha Andũ ma Kũmanyĩwʼa Mbivilia Wathanthatũ wa Mbee wa Mwei wa 11

“Kwaeka ngwonyʼe ĩkũlyo yĩ vaa ya kwendeesya. [Soma ĩkũlyo ya mbee yĩla yĩ ĩthangũnĩ ya mũthya ĩkasetinĩ ya Mũsyaĩĩsya ya 01/11/2014.] We ũtonya kũsũngĩa ĩkũlyo yĩĩ ata? [Soma tũlungu twĩlĩ tũla twĩ ungu wa ĩkũlyo yĩu na ũisoma ĩandĩko o na ethĩwa no yĩmwe katĩ wa maandĩko ala monanĩtwʼe.] No wende nĩsyoke tũke kwona nĩkĩ Yesũ wathayũũkisye andũ na ũndũ kũmanya ũu kũtonya kũtũtethya?”

MŨSYAĨĨSYA 01/11/2014

“We waaĩkũlya nĩkĩ kwĩ maũndũ maingĩ mathũku maendeee ĩũlũ wa nthĩ? [Eteela asũngĩe.] Ĩandĩko ya Ũvuanʼyo 12:9 nĩyĩeleetye. [Soma.] Ĩndĩ o na vailyĩ ũu, mũsoa wa 12 nĩwonanĩtye kĩtumi kya kwĩthĩwa na wĩkwatyo. [Soma Ũvuanʼyo 12:12.] Ũthũku ũla ũetawe nĩ Satani ũkilyĩ ũnavetwa. Ũvoo ũũ wĩ na kyongo, ‘Yo Nĩtwaĩle Kũkĩa Satani?’ nũeleetye ũndũ tũtonya kwĩsiĩanĩa na maũndũ make ũmũnthĩ na ũkaelesya kĩla kĩkamũkwata o mĩtũkĩ. Nĩngũũtiĩa ĩkaseti yĩĩ ũsome.”

Amkeni Mwei wa 11

“Kĩla mũndũ endaa kwĩthĩwa e mũtanu, ĩndĩ andũ aingĩ ũmũnthĩ mai na ũtanu. We wĩĩsilya nĩ kyaũ kĩetae ũtanu wa wʼo? [Eteela asũngĩe.] Nĩnĩmanyĩte kana Mbivilia nĩtetheeasya mũndũ ethĩwe na ũtanu. Kwa ngelekanyʼo, kwaeka ngwonyʼe ũndũ mũsoa ũũ waĩtye. [Soma Aevelania 13:5.] Ĩkaseti yĩĩ nĩyonanĩtye maũndũ ana ala matonya kũtũtetheesya twĩthĩwe na ũtanu.”