Ũndũ Ũtonya Kwĩka Nĩ Kana Umye Maelesyo Maseo

Maelesyo maseo nĩmakaa kĩkundi. (Alo 14:19) O na ala maumasya maelesyo asu nĩmakawa. (Nth 15:23, 28) Kwoou nthĩnĩ wa kĩla ũmbano, nĩtwaĩle kũtata kumya maelesyo o na ethĩwa no ĩla yĩmwe. Ti kĩla ĩvinda twookĩlya kwʼoko tũkakũlawʼa tũsũngĩe. Kwoou, nũseo twĩyũmbanyʼe kumya maelesyo maingĩ ũndũ vatonyeka.

Maelesyo maseo . . .

• methĩawa me makuvĩ na maieleeka. Mavinda maingĩ methĩawa matavĩtũkĩte sekendi 30

• maumaa ngoonĩ na mũndũ ndatũngĩlĩĩlaa ndeto o ila iandĩkĩtwe

• ti o kũtũngĩlĩĩla vate vata ũsũngĩo ũla waumwʼa

Ethĩwa nue wakũlwʼa mbee ũsũngĩe, . . .

• sũngĩa kwa ndeto o nguvĩ, na ikũeleeka

Ethĩwa ĩkũlyo nĩyasũngĩwa, no . . .

• wonanyʼe ũndũ ĩandĩko yĩla yĩ vau yosanĩte na kĩla kĩũneenewa

• ũwete ũndũ kĩla kĩũneenewa kĩtonya kũtũtethya thayũnĩ witũ

• ũelesye ũndũ ũvoo ũsu ũtonya kũtũmĩwa kũtetheesya andũ angĩ

• ũelesye ũndũ weekĩkie wosanĩte na kĩla mũkwĩmanyĩsya