We Ũĩkĩĩe Mawatho ma Yeova Mũno Wĩana Ata?

Yosua na Solomoni nĩmeetĩkĩlile kana vai ndeto o na ĩmwe ya Yeova katĩ wa ila waneenete ĩtaaĩanĩa. (Yos 23:14; 1Asu 8:56) Ũkũsĩ wa andũ asu elĩ no ũlũlũmĩlye ũla wambĩlĩlyo mũlũmu tũtonya kwaka mũĩkĩĩo witũ ĩũlũ wawʼo.—2Ako 13:1; Tito 1:2.

Yeova eanĩisye ata mawatho make mĩthenyanĩ ya Yosua? We na mũsyĩ waku sisyai vitio ĩno: ‘Kũtyaalea Kwĩanĩwʼa Ũndũ o na Ũmwe.’ Na ĩndĩ mũisũngĩa makũlyo aa: (1) Nĩ kyaũ ũtonya kwĩka ũkonanyʼa wĩ na mũĩkĩĩo ta wa Laavi? (Aevl 11:31; Yak 2:24-26) (2) Ngewa ya Akani yĩĩkĩĩthĩtye ata kana kũlea kwĩwʼa na ngũlũ no kũete mũisyo mũnene? (3) O na kau aũme ma Ngiveoni maĩ ngũmbaũ sya kaũ, nĩkĩ mamũkengie Yosua na meewʼana na Aisilaeli? (4) Ndeto ya Yeova yeanĩie ata ĩla asumbĩ atano ma Aamoli matĩsisye Isilaeli? (Yos 10:5-14) (5) Yeova aũtetheesye ata we mwene nũndũ wa kĩthito kyaku kya kwamba kũmantha Ũsumbĩ wa Ngai na ũlũngalu wake?—Mt 6:33.

Kũsũanĩa maũndũ ala Yeova wĩkĩte, ala ũendeee kwĩka, na ala ũkeka ĩvinda yũkĩte, no kũlũlũmĩlye mũĩkĩĩo witũ ĩũlũ wa mawatho make.—Alo 8:31, 32.