Ũndũ Ũtonya Kwonanyʼa Ndaĩa Wavika Mũomonĩ Kwene

Aklĩsto methĩawa me “asyaĩĩwʼa kwa nthĩ yonthe.” (1Ako 4:9) Kwoou ti ũndũ wa ũsengyʼa kwĩwʼa kana ve andũ amwe matũkunĩkĩlaa ndĩlĩsyanĩ kana makethukĩĩsya kĩla tũũneena matanamba kũvingũa mũomo. O na mĩsyĩ ĩmwe nĩyĩthĩawa na kamela kana mĩtambo ya kwosa wasya, ũkethĩa mwene no asyaĩĩsye kĩla tũkwĩka twĩ mũomonĩ kwake, akatwĩthukĩĩsya, na akatwosa vitio. Kwa tũneenee maũndũ amwe matonya kwonanyʼa wĩ na ndaĩa wavika mũomonĩ kwene.—2Ako 6:3.

KĨLA ŨKWĨKA (Avi 1:27):

• Nĩ kana wonanyʼe nũũnenga mũsyĩ wene ndaĩa, ndũkambĩĩe kũkunĩkĩlanga kũu nthĩnĩ. Ndũkaye kana kũnywʼa kĩndũ wĩ mũomonĩ kwene. O na ti ũseo kũkũna simũ kana kũandĩka mesengyi wĩ vau

KĨLA ŨŨNEENA (Aev 4:29):

• Wĩ vau mũomonĩ ndũkatate kũneena kĩndũ ũtenda mwene nyũmba ewʼe. Atavanyʼa amwe monaa nũseo makatila ngewa ila meĩendeesye nĩ kana masũanĩe kĩla meenda kũweta

Nĩ maũndũ angĩ meva ũtonya kwĩka ũkonanyʼa kana wĩ na ndaĩa wĩ mũomonĩ kwene?