MAŨNDŨ MA VATA KUMA NDETONĨ YA NGAI | AKOLOSAI 1-4
Umyai Mwĩkalĩle wa Tene, na Mũyĩvwʼĩka Mwĩkalĩle Mweũ
Nĩvatonyeka ũkethĩwa weekie moalyũku manene mwĩkalĩlenĩ waku yĩla weemanyĩisye ũwʼo? Ethĩwa vailye ũu, ndũkethĩwe na nzika kana Yeova nĩwataniwʼe mũno nĩ kĩthito kyaku. (Esek 33:11) Ĩndĩ o na ũu wĩ o vo, no nginya tũendeee kwĩkĩa kĩthito nĩ kana tũikese kũsyokea mwĩkalĩle wa tene na tũyĩendeea kwĩvwʼĩka mwĩkalĩle mweũ. Sũngĩa makũlyo aa maatĩĩe wone nĩ va waĩlĩte kwaĩlangya:
Nĩnĩendeee kwoveea ũthatu ngoonĩ nũndũ wa mũndũ wambĩtĩisye?
Nĩnĩthĩawa na wũmĩĩsyo o na yĩla nĩ na mĩtũkĩ kana nĩ mũnou?
Yĩla nakwatwa nĩ yĩsilya yĩtaĩle, nĩnĩyĩvetangaa kĩlĩkonĩ na mĩtũkĩ?
Nĩnĩthĩawa na woni ũtaĩle kwelekela andũ ma mbaĩ kana nthĩ ingĩ?
Nĩnĩla kũtavya mũndũ ndeto itaĩle kana ngamũneenyʼa nĩthatĩte?