“Endeeai Kũthangaanyʼa na Kwakana Inywʼĩ kwa Inywʼĩ”

5:11-14

Kĩla Mũklĩsto nũtonya kwĩkĩa ala angĩ vinya. Kwa ngelekanyʼo, nĩtwĩkĩaa Aklĩsto ala angĩ vinya yĩla twathi maũmbanonĩ ma kĩkundi kana ũtavanyʼanĩ tũteũtĩĩa. Twĩkaa ũu o na kau nĩtũtonya kwĩthĩwa ‘tũngʼangʼanaa mũno’ nũndũ wa mathĩna ma mwĩĩ kana o mathĩna angĩ. (1Th 2:2, maelesyo ma kwongeleela) O na ĩngĩ, twasũanĩĩa kwĩ tene kana tweeka ũkunĩkĩli, nĩtũtonya kũkwata maũndũ tũtonya kũtũmĩa kwĩkĩa ana-a-asa vinya.

Nĩ va ũtonya kũkwata ũvoo ũtonya kũũtetheesya ũkekĩa mũndũ wĩ na thĩna mũna vinya?

Wasisya kĩkundinĩ kyenyu, naaũ ũkwenda kwĩkĩa vinya?