“Endeeai Kũsũanĩa Maũndũ Asu”

Maũndũ meva? Ĩandĩko ya Avilivi 4:8 yaĩtye kana twaĩle kũsũanĩa maũndũ ala ma wʼo, maũndũ ala ma vata, maũndũ ala malũngalu, maũndũ ala matheu, maũndũ ma kwendeesya, maũndũ ala mawetawa nesa, maũndũ ala maseo, na maũndũ ala me nguma nzeo. Vate nzika, ũu ti kwasya kana Aklĩsto maĩlĩte kũsũanĩaa Maandĩko kĩla ĩvinda. Ĩndĩ twaĩlĩte kũsũanĩaa maũndũ ala mamwendeeasya Yeova. O na ĩngĩ, tũyaĩlĩte kũsũanĩa maũndũ matonya kũtuma tũeka kwĩthĩwa twĩ aĩkĩĩku kwa Yeova.—Sav 19:14.

Ti ũndũ wĩ laisi kũeka kũsũanĩa maũndũ mathũku. Nĩkĩ? Nũndũ twĩ ene naĩ na eka ũu Satani nĩwe “ngai ya nthĩ ĩno.” (2Ko 4:4) Nĩkwĩthĩwa Satani nĩwe ũtongoeasya maũndũ maingĩ ala maendeeaa televiseninĩ, letiũnĩ, indanetinĩ, na maũvoo ala matumbĩthye, mavinda maingĩ syĩndũ isu syĩthĩawa syĩ mbuku. Twalea kwĩthĩwa twĩ metho ĩũlũ wa maũndũ ala tũkwĩkĩa kĩlĩkonĩ, mosũanĩo maitũ no manangĩke na ĩtina wa ĩvinda tũyĩthĩwa ma mwĩkalĩle mũthũku.—Yak 1:14, 15.

ĨLOELEI VITIO YĨ NA KYONGO, ĨVATHANE NA MAŨNDŨ ALA MATONYA KŨTUMA WĨTHĨWA ŨTE MŨĨKĨĨKU—MAŨNDŨ MA KWĨTANĨTHYA MATAĨLE NA ĨNDĨ MŨISŨNGĨA MAKŨLYO AA MAATĨĨE:

• 

  Mwana-a-asa ũla wĩ vitionĩ ĩsu eeloelaa kyaũ simũnĩ yake, na kĩla weeloelaa kyatumie ethĩwa na woni wĩva?

• 

  Ĩandĩko ya Akalatia 6:7, 8 na ya Savuli 119:37 mamũtethisye ata?