Ĩkala wĩ Mũlũmu o Ũndũ Mũminũkĩlyo Ũthengeee

NĨKĨ NĨ ŨNDŨ WA VATA: O mĩtũkĩ kũkeekĩka maũndũ ma kũsengyʼa na kwoou tũkendeka kwĩthĩwa na ũkũmbaũ na tũimwĩkwatya Yeova vyũ kwĩ ĩvinda yĩngĩ o na yĩva. Thĩna mũnene ũkambĩĩa na kwanangwa kwa ndĩni sya ũvũngũ. (Mt 24:21; Ũvu 17:16, 17) Ĩvindanĩ yĩu nĩvatonyeka tũkatavanyʼa ũvoo mũito wa ũsilĩlo. (Ũvu 16:21) Ĩtina wa ũu tũkavithũkĩwa nĩ Ngoki wa Makoki. (Esek 38:10-12, 14-16) Nĩ kana Yeova atangĩĩe andũ make kũkeethĩwa “kaũ wa ũla mũthenya mũnene wa Ngai Mwene Vinya Wʼonthe.” (Ũvu 16:14, 16) Nĩ kana twĩthĩwe na ũkũmbaũ kwondũ wa maũndũ asu makeka ĩvindanĩ yũkĩte, nĩtwaĩle kwĩkala twĩ alũmu yĩla twakwatwa nĩ motato ũmũnthĩ.

ŨTONYA KWĨKA ŨU ATA?

• Lũmanyʼa vyũ na myolooto ya Yeova ya ũlũngalu.​—Isa 5:20

• Endeea kũthaitha vamwe na Aklĩsto ala angĩ.​—Avl 10:24, 25

• Atĩĩaa na mĩtũkĩ myolooto ĩla yanenganwe ũseũvyonĩ wa Yeova.—Avl 13:17

• Vindĩĩsya ũndũ Yeova watangĩĩie andũ make ĩvinda ĩvĩtu.—2Vt 2:9

• Mũvoyae Yeova na ũyĩthĩwa ũmwĩkwatĩtye vyũ.—Sav 112:7, 8

ĨLOELEI VITIO YĨ NA KYONGO, MAŨNDŨ MAKEKĨKA ĨVINDA YŨKĨTE ALA MAKENDA TWĨTHĨWE NA ŨKŨMBAŨ—KALUNGU KA VITIO, NA ĨNDĨ MŨISŨNGĨA MAKŨLYO AA:

• 

  Nĩ ĩtatwa yĩva yakwatie atavanyʼa yĩla kĩkundi kyaaniwʼe?

• 

  Wĩwi ũtũtetheeasya ata kwĩthĩwa na ũkũmbaũ?

• 

  Nĩkĩ tũkendeka kwĩthĩwa na ũkũmbaũ ĩvindanĩ ya kaũ wa Alimaketoni?

• 

  Nĩ ngewa yĩva yĩ Mbivilianĩ ĩtonya kũtũtetheesya kwĩthĩwa na mũĩkĩĩo mũlũmu kana Yeova nũtonya kũtũtangĩĩa?—2Mav 20:1-24