Ĩvathane na Kũnyaĩĩkya Ngewa sya Ũvũngũ

Ũmũnthĩ, maũvoo nĩmatonya kũnyaĩĩkĩwʼa andũ milioni mbingĩ na mĩtũkĩ kwa kũtũmĩa mavuku, letiũ, televiseni, na Indaneti. Ala mathaithaa “Ngai wa wʼo” mayaĩlĩte kũnyaĩĩkya maũvoo mate ma wʼo, o na ethĩwa meĩka ũu matesĩ. (Sav 31:5; Kuma 23:⁠1) Kũnyaĩĩkya maũvoo mate ma wʼo no kũete mathĩna maingĩ. Kwoou yĩla ũkwenda kũmanya kana ũvoo nĩ wa wʼo ĩkũlye atĩĩ:

• ‘Ũla umanĩte na ũvoo ũsu no nĩmũĩkĩĩe?’ Ũla ũkũtũtavya ngewa no ethĩwe atamĩsĩ nesa. Ngewa sya kũtavwʼa nivĩndũkaa, kwoou ĩthĩwa wĩ metho ndũkaee ngewa ũtesĩ vala yumĩte. Nũndũ ala me na ianda kĩkundinĩ nĩmanengetwe ndaĩa, maĩle kwĩthĩwa me metho maikatavye angĩ maũvoo mate maĩkĩĩthye

• ‘No syĩthĩwe syĩ nzukũ?’ Ethĩwa ngewa ĩsu yĩanangĩa mũndũ kana andũ angĩ ĩsyĩtwa, nũseo tuikamĩtavye angĩ.​—⁠Nth 18:8; Avi 4:8

• ‘Ngewa ĩsu nĩ ya kũĩkĩĩka?’ Ĩthĩwa wĩsũvĩĩte yĩla ũkwĩthukĩĩsya ngewa sya kũtanĩthya ĩndĩ itesa kũĩkĩĩka

ĨLOELEI VITIO YĨ NA KYONGO, NDONYA KŨSIĨĨA NZUKŨ ATA? NA ĨNDĨ MŨISŨNGĨA MAKŨLYO AA:

• 

  Kwosana na ĩandĩko ya Nthimo 12:18 ndeto itonya kũete mũisyo wĩva?

• 

  Ĩandĩko ya Avilivi 2:4 yĩtonya kũtũtetheesya ata twĩthĩwe twĩ oĩ yĩla tũũneena ĩũlũ wa andũ ala angĩ?

• 

  Tũtonya kwĩka ata yĩla andũ angĩ mambĩĩa kũneena maũndũ mate maseo ĩũlũ wa mũndũ ũngĩ?

• 

  Tũtanambĩĩa kũneena ĩũlũ wa andũ angĩ, nĩ makũlyo meva twaĩle kwamba kwĩkũlya?