Nĩtũũmũtũngĩa Yeova Mũvea Nũndũ wa Wendo Wenyu

Kĩkundi kya Thesalonika nĩkyoonisye Aklĩsto ala angĩ wendo o na kau kyaĩ o na mawetu. (2Th 1:3, 4) Andũ ma Yeova ũmũnthĩ nĩmonasya ana-a-asa ĩũlũ wa nthĩ yonthe wendo o ta ũsu. Kĩlungu kĩla kĩ nthĩnĩ wa jw.org kĩ na kyongo, “Ũndũ Mĩvothi Yaku Ĩtũmĩawa” kĩ na ũvoo wonanĩtye ũndũ mĩvothi yitũ ĩtũmĩawa kũtetheesya ana-a-asa ĩvindanĩ yĩĩ kwĩ na mathĩna maingĩ. Nĩtũũmũkatha nũndũ wa wendo na ũlau wenyu.

ĨLOELEI VITIO YĨ NA KYONGO, NĨTŨTŨNGAA “MŨVEA KWA NGAI KĨLA ĨVINDA KWONDŨ WENYU,” NA ĨNDĨ MŨISŨNGĨA MAKŨLYO AA MAATĨĨE:

• Mĩvothi ĩla tumasya ĩtetheeasya maũndũnĩ ta meva?

• Nzĩa ĩla nzeo vyũ ya kumya mĩvothi nĩ kana tũtetheesye ana-a-asa na eĩtu-a-asa ala me na thĩna nĩ yĩva?—O na ĩngĩ sisya kĩlungu kĩ nthĩnĩ wa jw.org kĩ na kyongo “Wingĩ Nũvetete Kũnyivĩwa kwa Angĩ”