Ũndũ Wa Kwĩmanyĩsya

Kũtũmĩa Nesa Kĩlungu “Nĩ Kyaũ Kĩkĩiwe”

Kĩlungu kĩtawa “Nĩ Kyaũ Kĩkĩiwe” kĩla kĩthĩawa JW Library^® na jw.org/kam kyonanasya ilungu na vitio ila syĩla kwĩkĩwa mĩtũkĩnĩ vyũ. Ũtonya ata kũtũmĩa kĩlungu kĩĩ kũkwata ũvoo wa mĩtũkĩnĩ?

JW Library

• Kĩlungu kyeũ kĩla kyeekĩwa kyongelawa ilungunĩ ila syĩ vo ivwʼanene nakyo. Kwoou yĩla ilungu syaumĩla kwa “What’s New” (Nĩ Kyaũ Kĩkĩiwe), no umye sya mũthemba ũla wa mĩtũkĩnĩ. Na ĩndĩ wavingũa no ũsome kĩlungu kyeũ kĩla kĩkumĩla ĩũlũ vyũ, nũndũ ilungu ivangawa kwosana na matukũ ala syalika.

• Nĩvatonyeka ũkaema kũmina kũsoma syĩndũ ila nene, ta makaseti, savalĩ ũmwe. Nĩ kana wĩthĩwe ũtonya kũkwata na mĩtũkĩ ila ũtaminĩte kũsoma, syongele kwa “Favorites” (Ila Nendete) na wamina kũsoma ũyiiveta.

JW.ORG/KAM

Maũvoo amwe, ta livoti sya mĩtũkĩnĩ na imanyĩthya, maumĩlaa o kwa jw.org ve voka, ĩndĩ ti kwa JW Library. Lilikana kũsiasya kĩlungu kya “Nĩ Kyaũ Kĩkĩiwe” mavinda kwa mavinda nĩ kana ũkwate ũvoo wa mĩtũkĩnĩ.