Nĩmakwatie “Lũlũ Ũmwe wa Thooa Mũnene”

Yesũ nĩwamanyĩisye kana Ũsumbĩ wa Ngai ũkaminĩa andũ mathĩna onthe. (Mathayo 6:10) Nthĩnĩ wa Mathayo 13:44-46, nĩwanenganie ngelekanyʼo ii ilĩ iatĩĩe onanyʼe vata wa ũwʼo ĩũlũ wa Ũsumbĩ wa Ngai:

• Mũndũ ũmwe nĩwathũkũmaa mũũndanĩ na atataĩĩe akwata ũthwii mũvithe.

• Mũkũni wa viasala ũla waendaa aimantha lũlũ nzeo nĩwoonie lũlũ ũmwe wa thooa mũnene.

Me atanu, aũme asu elĩ nĩmathooisye kyonthe kĩla maĩ nakyo nĩ kana mathooe syĩndũ sya vata ila maĩ manakwata. Aũme aa monanasya andũ ala monaa Ũsumbĩ wĩ wa vata mũno nginya makeyĩima maũndũ maingĩ nĩ kana makwate moathimo mawʼo. (Luka 18:29, 30) Vitionĩ ĩno, sisya wone ngewa ya andũ elĩ ala mailye ta ala aũme me ngelekanyʼonĩ sya Yesũ.