Watchtower LIBRARY INDANETINĨ
Watchtower
LIBRARY INDANETINĨ
Kikamba
Ũ
  • ũ
  • Ũ
  • ĩ
  • Ĩ
  • MBIVILIA
  • MAVUKU
  • MAŨMBANO
  • ijwbq kĩlungu 155
  • Mbivilia Yaasya ata Ĩũlũ wa Mũndũ Ũla Ũtetheeasya Ala Angĩ?

Vai vitio ya kĩla wanyuva.

Vole, ve thĩna waumĩla.

  • Mbivilia Yaasya ata Ĩũlũ wa Mũndũ Ũla Ũtetheeasya Ala Angĩ?
  • Mosũngĩo ma Makũlyo ma Mbivilia
  • Syongo Nini
  • Ũvoo Ũngĩ ta Ũũ
  • Ũndũ Mbivilia yaasya
  • Nĩ ĩvinda yĩva kũnenga mũndũ kĩndũ kũmũtanĩthasya Ngai?
  • Nĩ ĩvinda yĩva kũnenga mũndũ kĩndũ kũmũthatasya Ngai?
  • Tanĩa Moseo Ma Kũnengane
    Mũsyaĩĩsya Yĩtavanasya Ũsumbĩ wa Yeova (Ĩkaseti ya Andũ onthe)—2017
  • Ala Alau Methĩawa Me Atanu
    Mũsyaĩĩsya Yĩtavanasya Ũsumbĩ wa Yeova (Ĩkaseti ya Kwĩmanyĩsya)—2018
  • Kũmantha Mũthĩnzĩo Ũla Mũseo Vyũ
    Mũsyaĩĩsya Yĩtavanasya Ũsumbĩ wa Yeova (Ĩkaseti ya Andũ onthe)—2017
Mosũngĩo ma Makũlyo ma Mbivilia
ijwbq kĩlungu 155
Mũndũ ũkwete mũthĩnzĩo wovetwe nesa

Mbivilia Yaasya Ata Ĩũlũ wa Mũndũ Ũla Ũtetheeasya Ala Angĩ?

Ũndũ Mbivilia yaasya

Mbivilia nĩyĩkĩaa andũ vinya manenge andũ angĩ syĩndũ kwa ngenda na me na kĩeleelo kĩseo. Ĩmanyĩasya kana mũndũ ũla wanenga ũngĩ syĩndũ o nake mwene nũtethekaa. (Nthimo 11:25; Luka 6:38) Yesũ aisye atĩĩ: “Kũnengane kwĩ ũtanu mwingĩ kwĩ kwosa.”​—Meko ma Atũmwa 20:35.

  • Nĩ ĩvinda yĩva kũnenga mũndũ kĩndũ kũmũtanĩthasya Ngai?

  • Nĩ ĩvinda yĩva kũnenga mũndũ kĩndũ kũmũthatasya Ngai?

  • Maandĩko maeleetye ĩũlũ wa kũnengane syĩndũ

Nĩ ĩvinda yĩva kũnenga mũndũ kĩndũ kũmũtanĩthasya Ngai?

Yĩla mũndũ wanengane kĩndũ na ngenda nũmũtanĩthasya Ngai. Mbivilia yaĩtye atĩĩ: “Ekai kĩla ũmwe eke ũndũ ũtwʼĩte ngoonĩ yake, na ti ate kwenda kana kũthingʼĩĩwʼa, nũndũ Ngai endete mũndũ ũla ũnenganae na ũtanu.”​—2 Akolintho 9:7.

Mũndũ ũla ũnenganae syĩndũ na ngenda onanasya kana aatĩĩaa “ũthaithi” ũla Ngai wĩtĩkĩlaa. (Yakovo 1:27) Ũla mũlau nũtetheeasya andũ ala me na vata na ekaa kĩla Ngai wendete. Ngai onaa mũndũ ũsu ta wamũkovethya kĩndũ no we mwene. (Nthimo 19:17) Mbivilia ĩmanyĩasya kana Ngai akaĩva mũndũ ũla ũtetheeasya andũ ala angĩ.​—Luka 14:12-14.

Nĩ ĩvinda yĩva kũnenga mũndũ kĩndũ kũmũthatasya Ngai?

Yĩla mũndũ wanengane kĩndũ e na kĩtumi kĩthũku. Kwasisya ngelekanyʼo ii iatĩĩe:

  • Kũnengane kĩndũ nĩ kana wendeesye andũ ala angĩ.​—Mathayo 6:2.

  • Kũnengane kĩndũ ũyenda kũĩvwa.​—Luka 14:12-14.

  • Kũnengane kĩndũ nĩ kana Ngai akwĩtĩkĩle na ũikwata thayũ ũtathela.​—Savuli 49:6, 7.

Yĩla wanengane kĩndũ kĩtetheesye kwĩka maũndũ Ngai ũleete. Kwa ngelekanyʼo, wĩthĩwa wĩ ũndũ ũtaĩle kũnenga mũndũ mbesa akothe kalata, akatũmĩe ndawa sya kũmila naĩ kana akanywʼe ũkĩ mũno. (1 Akolintho 6:9, 10; 2 Akolintho 7:1) O na ĩngĩ ti ũseo kũnenga mũndũ ũla ũleaa kũthũkũma mbesa o na kau e na vinya wa kũthũkũma.​—2 Athesalonika 3:10.

Yĩla mũndũ wanengane syĩndũ na ũu ũituma ateanĩsya ianda ila Ngai ũmũnengete. Mbivilia ĩmanyĩasya kana ene mĩsyĩ nĩmaĩle kũmanthĩa andũ moo. (1 Timotheo 5:8) Ti ũseo mũndũ ũla wĩ na mũsyĩ anenge andũ angĩ syĩndũ mbingĩ na ũu ũituma andũ make malika thĩnanĩ. O nake Yesũ nĩwaleanile vyũ na mwĩkalĩle wa andũ ala maleaa kũtetheesya asyai moo akũũ kwa kwasya kana syĩndũ ila maĩ nasyo nĩ “[syĩndũ syumĩtwʼe syĩthĩwe] mũthĩnzĩo kwa Ngai.”​—Maliko 7:9-13.

Maandĩko maeleetye ĩũlũ wa kũnengane

Nthimo 11:25: “Mũndũ mũlau akeethĩwa mũnou; na ũla ũnyithasya akanyithwʼa mwene.”

Kĩla ĩandĩko yĩu yĩũtũmanyĩsya: Kũnengane nĩkũtethasya mũndũ ũla wanengane o nake.

Nthimo 19:17: “Ũla wĩwʼĩaa ngya tei akovethasya Yeova, na wĩko wake mũseo akamũĩva ĩngĩ.”

Kĩla ĩandĩko yĩu yĩũtũmanyĩsya: Ngai onaa andũ ala matetheeasya ala me na thĩna ta mamũkovethya, na nũmathĩte kana akamaĩva nũndũ wa ũlau woo.

Mathayo 6:2: “Yĩla mũkumya mĩthĩnzĩo kwondũ wa ngya, mũikavuve soo o tondũ anganganyʼa mekaa . . . nĩ kana mataĩwe nĩ andũ.”

Kĩla ĩandĩko yĩu yĩũtũmanyĩsya: Tũyaĩle kũnengane syĩndũ nĩ kana andũ angĩ matwone kana tũnengwe ndaĩa.

Meko ma Atũmwa 20:35: “Kũnengane kwĩ ũtanu mwingĩ kwĩ kwosa.”

Kĩla ĩandĩko yĩu yĩũtũmanyĩsya: Kũnenga andũ syĩndũ nũndũ nĩtũkwenda kwĩka ũu nĩkũtumaa tũtana.

2 Akolintho 9:7: “Ekai kĩla ũmwe eke ũndũ ũtwʼĩte ngoonĩ yake, na ti ate kwenda kana kũthingʼĩĩwʼa, nũndũ Ngai endete mũndũ ũla ũnenganae na ũtanu.”

Kĩla ĩandĩko yĩu yĩũtũmanyĩsya: Kũnengane syĩndũ na ngenda nĩkũmũtanĩthasya Ngai.

    Kikamba Publications (1950-2025)
    Uma
    Lika Nthĩnĩ
    • Kikamba
    • Tũma
    • Mũvangĩle ũla ũkwenda
    • Copyright © 2025 Watch Tower Bible and Tract Society of Pennsylvania
    • Mĩao ya Kũtũmĩa
    • Ũvoo Waku wa Kĩmbithĩ
    • Mpangilio wa Faragha
    • JW.ORG
    • Lika Nthĩnĩ
    Tũma